Angliýanyň “Mançester Siti” topary gyşky transfer möwsüminiň iň soňky gününde ýene bir futbolçy bilen şertnama baglaşdy. Şäherliler Portugaliýanyň “Porto” toparyndan ispaniýaly Niko Gonzalesi 60 million ýewro transfer etdi. 23 ýaşyndaky ýarymgoragçy iňlis topary bilen 2029-njy ýylyň tomsuna çenli şertnama gol çekişdi. “Barselona B” toparyna futbola başlan Niko Gonzales “Barselonada”, “Walensiýa” (kärendesine) oýnady. Ony “Porto” topary 2023-nji ýylyň iýulynda 8,5 million ýewro transfer edipdi. Niko Gonzales “Sitide” 14-nji belgide oýnar.