PDF
UEFA Ýewropa ligasynda toparçalardaky 3-nji oýunlarda, has takygy, 24 duşuşykda 93 gol hasaba alyndy. Bu görkeziji rekorda deňdir. “A” toparçada “Roma” Maýoralyň 2 gol geçiren oýnunda “KFR Klužy” 5-0 ýeňdi. “Arsenal” öz meýdançasynda “Moldeni” 4-1 utdy. Oýunda “Arsenalyň” 2 goluny norweg toparynyň oýunçylary geçirdi. “D” toparçada “Benfika” bilen “Reýnjers” duşuşyp, oýun 3-3 deňlikde tamamlandy. Goragçysy (Nikolas Otamendi) gyzyl kart alan “Benfika” garşydaşynyň 3-1 öňe saýlanandygyna hem-de 1 oýunçy kem oýnandygyna garamazdan hasaby deňlemegi başardy (Goldson 2 ö.d., Silwa, Nunýez 90+1 – Gonsalwes 24 ö.d., Kamara 25, Morelos 51). “F” toparçada myhmançylykda “Napoli” topary Horwatiýanyň “Riýeka” klubundan 2-1 üstün çykdy. “G” toparçada “Lester Siti” öz meýdançasynda “Bragany” 4-0 ýeňdi. 59 ýyldan soň, UEFA-nyň ýaryşlaryndan 4 gol geçiren “Lesteriň” adyndan Iheanaço (2), Praet hem-de Maddison derwezä girizdi. “H” toparçada ýer eýeleriniň 2-si hem ýeňlip, “Milan” garaşylmadyk ýagdaýda öz meýdançasynda Fransiýanyň Lill toparyndan 3-0 utuldy. Şunlukda, 24 oýundan bäri ýeňilmän gelýän “Milan” 25-nji duşuşygynda ýeňlişe sezewar boldy. 2006-njy ýylda-da “Milany” “San Siroda ýeňmegi başaran “Lilliň” 3 goluny-da türkiýeli hüjümçi Ýusuf Ýazyjy derwezä girizdi. 1-nji tapgyrda “Spartanyň”(Praga) derwezesinden hem 3 gol geçiren Ýazyjy Ýewropa ligasynda myhmançylykda 2 gezek het-trik eden ilkinji futbolçy boldy. Toparçada “Seltik” hem öz meýdançasynda “Sparta Pragadan” 4-1 utuldy. Oýunda het-trik eden Lukaş Ýuliş 1983-nji ýyldan soň, “Seltigiň” derwezesinden 3 gol geçiren ilkinji futbolçy boldy.
“A”: “Roma”–“KFR Kluž”: 5-0, “Ýang Boýz”–“SSKA Sofiýa”: 3-0
“B”: “Rapid Wien”–“Dandolk”: 4-3, “Arsenal”–“Molde”: 4-1
“C”: “Slawiýa Praga”–“Nissa”: 3-2, “Hapoel Beer Şewa”–“Baýer”: 2-4
“D”: “Benfika”–“Reýnjers”: 3-3, “Leh Poznan”–“Standard Liež”: 3-1
“E”: PAOK–PSW: 4–1, “Omonia”–“Granada”: 0–2
“F”: “Real Sosiedad”–“AZ Alkmaar”: 1-0, “Riýeka”–“Napoli”: 1-2
“G”: “Lester Siti”–“Braga”: 4-0, “Zorýa Lugansk”–AEK: 1-4
“H”: “Seltik”–“Sparta Praga”: 1-4, “Milan”–“Lill”: 0-3
“I”: “Siwasspor”–“Garabag”: 2-0, “Wilýarreal”–“Makkabi T. Awiw”: 4-0
“J”: “Ludogores”–“Tottenham”: 1-2, “Antwerpen”–LASK: 0–1
“K”: “Dinamo Zagreb”–“Wolfsberger”: 1-0, “Feýenoord”–“SSKA Moskwa”: 3-1
“L”: “Srwena Zwezda”–“Gent”: 2-1, “Hoffenhaým”–“Slowan Liberes”: 5-0
