UEFA Çempionlar Ligasynyň pleý-off tapgyrynyň ikinji italýan-niderland duşuşygynda Rotterdamyň “Feýenoord” topary öz meýdançasynda “Milany” 1-0 hasabynda ýeňdi. Niderland toparyna ýeňiş getiren ýeke-täk goly 3-nji minutda uzak aralykdan Igor Paişao geçirdi. Italýanlara oýnuň başynda geçirden bu goluna jogap bermek başartmady. Niderland toparlaryny soňky 4 duşuşygynda ýeňip bilmedik “Milan” topary “Optanyň” statistikalara görä, 1974-nji ýyldan bäri bu ýaryşyň çäginde pleý-off duşuşyklarynda “Feýenoorddan” asgyn gelen ilkinji klub hökmünde hasaba alyndy.

Iň kiçi hasap bilen tamamlanan başga bir oýunda-da “Benfika” myhmançylykda “Monakony” 1-0 hasabynda ýeňlişe sezewar etdi. Duşuşygyň ýeke-täk goluny 48-nji minutda Wangelis Pawlidis derwezä girizdi. “Monako” toparynda 52-nji minutda Al-Musrati 2-nji kartdan soň, italiýaly emin Maurizio Mariani tarapyndan meýdançadan çykaryldy. Ýeri gelende bellesek, iki topar liga tapgyrynda-da duşuşyp, “Benfika” şol oýunda-da garşydaşyny myhmançylykda ýeňipdi (3-2).

Gyzykly bolup bilerЕЩЕ ОТ АВТОРА