Angliýanyň “Oxfam” haýyr-sahawat gaznasynyň hünärmenleriniň taýýarlan “deňsizlik” maglumatnamasy Şweýsariýanyň Dawos şäherçesinde dowam edýän Halkara ykdysady forumda hödürlendi. Maglumatda Ýer ýüzündäki milliarderleriň sanynyň geçen ýyl 2 müň 769-a ýetendigi mälim edildi. Bu görkeziji 2023-nji ýyldaky 2 müň 565 bolupdyr. Şeýlelikde aşa gurply adamlaryň hataryna 204 sanysy goşulypdyr. Milliarderleriň baýlygy bir ýylyň dowamynda 13 trillion dollardan 15 trillion dollara ýetipdir. Şeýlelikde 2024-nji ýylda bu baradaky hasabatyň ýöredilip başlanyndan soňky iň uly ikinji artyş hasaba alnypdyr. Maglumatda Bütindünýä bankynyň maglumatyna görä, ýoksullyk çäginden pesde ýaşaýanlaryň sanynyň 1990-njy ýyldan bäri üýtgemändiginiň bellenilýändigi mälim edildi.
“Oxfam”-yň maglumatynda dünýäniň iň gurply 10 adamynyň baýlygynyň geçen ýyl ortaça 100 million dollar artandygy, olar baýlyklarynyň 99 göterimini ýitirenlerinde hem milliarder bolmagynda galjakdyklary bellenildi.
Şeýle hem geljek 10 ýylda 5 sany trillioneriň peýda boljakdygy bellenildi.
Maglumatda Global Demirgazyk ýurtlarynyň dünýä ilatynyň 21 göterimini emele getirýändigine garamazdan, global baýlygyň 69 göterimine eýedigi aýdyldy.
Maglumatda deňsizligiň azaldylmagy üçin aşa baýlara salgyt girizilmelidigi we ykdysady ulgamlaryň deňsizligi azaltjak kadalaşdyryjy düzgünleriň goýulmalydygy bellenildi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА