Minskide 26-27-nji iýunda 4-nji Ýewraziýa ykdysady forumy geçirildi. Oňa gatnaşyjylar Ýewraziýa integrasiýasynyň meselelerini ara alyp maslahatlaşdylar. Esasy mowzuklar senagaty we oba hojalygyny ösdürmek, sebitleýin hyzmatdaşlyk, sanly üýtgeşmeler, emeli aňyň mümkinçilikleri, zähmet bazarlaryny birleşdirmek we gümrük gözegçiligi ýaly meseleleri öz içine aldy.
Forum Belarusyň Ýewraziýa ykdysady bileleşigine (ÝAYB) başlyklyk edýän döwründe geçirilýär we esasy tema “Ýewraziýanyň ykdysady integrasiýasy strategiýasy: netijeler we mümkinçilikler”. Umumy mejlisden başga-da, 35 sessiýa boldy. Foruma 30-dan gowrak ýurtdan 2700-den gowrak işewür we syýasy toparlaryň, halkara guramalaryň we habar beriş serişdeleriniň wekilleri gatnaşdy.
Forumyň birinji gününde Belarusyň Prezidentleri Aleksandr Lukaşenko, Russiýanyň Prezidenti Wladimir Putin, Gazagystan Preizidenti Kassym-Žomart Tokaýew we Gyrgyzystanyň Prezidenti Sadyr Žaparow gatnaşdy. Ermenistanyň Premýer-ministri Nikol Paşinýan maslahata wideo baglanyşygy arkaly goşuldy.
A.Lukaşenko Ýewraziýa ykdysady bileleşiginiň jemi içerki önüminiň dünýäniň jemi içerki önüminiň bary-ýogy 4 göterimine barabardygyna ünsi çekdi.
– Bu nämäni aňladýar? Biziň Integrasiýa birleşigimiziň mümkinçilikleri doly ulanylmaýar. Geljek 10 ýylda integrasiýa üçin täze itergi berip, iň bolmanda bu görkezijini iki esse köpeltmeli – diýip, Belarusyň Prezidenti Ýewraziýa ykdysady bileleşiginiň işindäki käbir möhüm görkezijileriň ýerine ýetirilmeýändigini aýtdy. Onuň pikiriçe, köp babatda bu meseleleriň çözgüdi Ýewraziýa ykdysady komissiýasyna we birleşigiň agza döwletleriniň ýolbaşçylaryna baglydyr.
Ýewraziýa ykdysady bileleşigi 2015-nji ýylda döredildi. Bileleşige Russiýa, Gazagystan, Belarus, Gyrgyzystan we Ermenistan girýär. Ýewraziýa ykdysady bileleşiginiň hemmetaraplaýyn döwrebaplaşdyrmak, hyzmatdaşlygy we milli ykdysadyýetleriň bäsdeşlige ukyplylygyny ýokarlandyrmak we agza döwletleriň ilatynyň ýaşaýyş derejesini ýokarlandyrmak maksady bilen durnukly ösüş üçin şertler döretmek maksady bilen döredildi.

Gyzykly bolup bilerЕЩЕ ОТ АВТОРА