Myh­man gar­şy­la­mak däp­le­ri

Her hal­kyň özü­ne mah­sus däp-des­sur­la­ry we edim-gy­lym­la­ry bar. Şo­la­ryň ha­ta­ryn­da myh­ma­ny gar­şy­la­mak we myh­man­sö­ýer­lik des­su­ry jem­gy­ýe­tiň iň ga­dy­my däp­le­ri­niň bi­ri ha­sap­lan­ýar. Ga­py­dan ge­len ada­my gar­şy al­mak, oňa hyz­mat et­mek şol halkyň me­de­ni­ýe­tini öw­ren­mä­ge ýar­dam ed­ýär. Ga­ze­ti­mi­ziň şu sa­nyn­da dün­ýä­niň dür­li kün­je­gin­de ýör­gün­li bo­lan myh­ma­n gar­şy­la­mak däp­le­ri bilen ta­nyş­dyr­ma­gy ma­kul bil­dik.

Türk­me­nis­tan we Gün­do­gar ýurt­la­ry. Türk­men hal­ky­nyň ga­dym­dan gel­ýän däp-des­sur­la­ry­na gö­rä, myh­man öýüň tö­rün­de otur­dyl­ýar. Bu des­sur Gün­do­gar ýurt­la­ry­na hem mah­sus bo­lup, öýe ge­len adam ýum­şak dü­şek­de otur­dy­lyp, der­rew sa­çak ýa­zyl­ýar. Myh­man üçin iň go­wy ta­gam­lar taý­ýar­la­n­ýar. Myh­mandan nä­me üçin ge­len­di­gi, nä­çe wagt­lyk bol­jak­dy­gy so­ral­ma­ýar. Myh­ma­nyň bir­nä­çe gün­läp öý­de bol­ma­gy myh­man­sö­ýer­li­giň gym­ma­ty­ny art­dyr­ýar. Däbe gö­rä, myh­ma­nyň iý­mi­ti we ra­hat dynç al­ma­gy öý eýe­si­niň jo­gap­kär­çi­li­gi ha­sap­lan­ýar. Bu ýurt­lar­da öý eýe­si­ne öňün­den ha­bar et­mez­den is­len­dik wagt myh­man ba­ryp bil­ýär.
Ýa­po­ni­ýa. Ter­tip-düz­gün, aras­sa­çy­lyk we ne­pis­lik ýa­pon myh­man­sö­ýer­li­gi­niň esa­sy ele­ment­le­ri ha­sap­lan­ýar. Aý­ra­tyn gap-gaç ulan­mak, asu­da gur­şaw dö­ret­mek we hor­mat goý­mak ýa­pon­lar­da myh­ma­ny gar­şy­la­mak dä­bi­niň esa­sy­ny düz­ýär. Myh­man üçin süý­ji içim­lik­ler we bir ge­zek iýer­lik na­har taý­ýar­la­n­ýar. Adat­ça, ýa­pon­lar bi­rek-bi­re­giň­kä gys­ga wagt­lyk myh­man­çy­ly­ga ba­ryp gaýd­ýar­lar. Myh­man öý eýe­si­niň we maş­ga­la ag­za­la­ry­nyň ter­tip-düz­güni­ne üns ber­ýär hem-de özi üçin aý­ry­lan wagt­dan uzak otur­ma­ýar.
Gün­ba­tar Ýew­ro­pa ýurt­la­ry. Bu ýurt­lar­da myh­man­çy­lyk öňün­den me­ýil­leş­di­ril­ýär we onuň üçin aý­ra­tyn wagt aý­ryl­ýar. Myh­man­çy­ly­ga bar­jak­dy­gy­ňy öňün­den ha­bar ber­mek esa­sy düz­gün­le­riň bi­ri ha­sap­lan­ýar. Öý eýe­si myh­ma­nyň ni­re­de otur­dyljak­dy­gy­ny we oňa nä­me­leriň hö­dür edil­jek­di­gi­ni maş­ga­la ag­za­la­ry bi­len mas­la­hat­laş­ýar. Şol esa­syn­da myh­man gar­şy alyn­ýar. My­sal üçin, öýe ge­len adam myh­man ota­gyn­da däl-de, aş­ha­na­da ýa-da eý­wan­da hem gar­şy al­nyp bi­lin­ýär. Gün­ba­tar Ýew­ro­pa ýurt­la­ryn­da myh­man­çy­lyk gys­ga wagt­lyk bo­lup, gür­rüň­deş­lik esa­syn­da geç­ýär. Şol se­bäp­li myh­ma­na na­har hö­dür edil­män, nä­me iç­ýän­di­gi so­ral­ýar.
De­mir­ga­zyk Ýew­ro­pa ýurt­la­ry. Bu ýurt­lar­da myh­man­çy­lyk çäk­li ýag­daý­da we az san­ly ada­myň gat­naş­ma­gyn­da ama­la aşy­ryl­ýar. Myh­man­lar öý eýe­si bi­len bel­lenen araçä­gi sak­la­ýar­lar. Dym­mak, ter­tip­li otur­mak we öňün­den sa­ga­dy­ňy bel­läp bar­mak myh­man­çy­ly­gyň esa­sy şert­le­ri ha­sap­lan­ýar. Bu ýurt­lar­da ga­ra­şyl­ma­dyk ýag­daý­da myh­man gel­me­ýär. Myh­ma­na hö­dür-ke­rem üçin ko­fe tek­lip edil­ýär.
Or­ta­ýer deň­zi ýurt­la­ry. Bu ýurt­lar­da myh­man­sö­ýer­lik jem­gy­ýet­çi­lik gat­na­şy­gy­nyň esa­sy gör­nüş­le­ri­niň bi­ri­dir. Or­ta­ýer deň­zi ýurt­la­ryn­da myh­man­çy­lyk dür­li-dü­men bi­len be­ze­len sto­luň ba­şyn­da geç­ýär. Öý jem­gy­ýet­çi­lik gi­ňiş­li­gi­ne öw­rül­ýär. Bat­ly ses­li gür­rüň­ler, gü­lüş­mek we bi­le­lik­de na­har­lan­mak myh­man­sö­ýer­li­giň esa­sy düz­gün­le­ri ha­sap­lan­ýar.
La­tyn Ame­ri­ka­sy ýurt­la­ry. Bu ýer­de myh­man­sö­ýer­li­giň esa­sy aýratynlygy emo­sio­nal ýa­kyn­lyk­dyr. Öý eýe­si myh­man­la­ra maş­ga­la ag­za­sy ýa­ly ga­ra­ýar. Gu­jak­la­şyp gar­şy al­mak, mä­hir­li sa­lam­laş­mak we bi­le­lik­de wagt ge­çir­mek myh­ma­na bo­lan hor­ma­tyň ny­şa­ny ha­sap­lan­ýar. Öza­ra söh­bet­deş­lik­ler jan­ly bo­lup, myh­ma­nyň nä­çe wagt ge­len­di­gi as­la so­ral­ma­ýar. Bu ýurt­lar­da myh­ma­nyň wag­ty­ny gy­zyk­ly we şat­lyk­ly ge­çir­me­gi­ne aý­ra­tyn üns be­ril­ýär.
De­mir­ga­zyk Ame­ri­ka ýurt­la­ry. Myh­man­çy­lyk öňün­den me­ýil­leş­di­ri­len wagt we bel­li bir mak­sat esa­syn­da ama­la aşy­ryl­ýar. Bu ýurt­lar­da myh­man­çy­ly­ga bar­ýan adam öz ýa­ny bi­len sow­gat ýa-da iý­mit önüm­le­ri­ni elt­ýär. De­mir­ga­zyk Ame­ri­ka ýurt­la­ryn­da uzak wagt­lap myh­man gal­mak oňaý­syz ha­sap­lan­ýar.
Gü­nor­ta Azi­ýa ýurt­la­ry (Hin­dis­tan, Pa­kis­tan). Bu ýurt­lar­da öýe myh­ma­nyň gel­me­gi şat­lyk­ly wa­ka ha­sap­lan­ýar. Öýe ge­len adam­lar «Hu­da­ýyň myh­man­la­ry» ha­sap­lan­ýar. Myh­ma­na öý­de bar bo­lan äh­li zat­dan hö­dür­len­ýär. Gü­nor­ta Azi­ýa ýurt­la­ryn­da myh­ma­nyň ýaş ta­pa­wu­dy­na üns be­ril­ýär we myh­man­çy­ly­ga bar­mak­dan ýüz öwür­mek ha­la­n­ma­ýar.