Şri-Lankanyň hökümeti biologik taýdan çüýremeýän bir gezeklik plastik önümleriň ulanylmagyny büs-bütin gadagan etdi.

-Daşky gurşawy goramak, şeýle hem adada ýaşaýan pilleri we ýabany sugunlary halas etmek maksady bilen şeýle çäre görülýär – diýip, hökümetiň resmi wekili, maglumat ministri Bandul Gunawarda belledi.

Onuň sözlerine görä, şu ýylyň iýun aýynda Şri-Lankada plastik önümleri öndürmek we olary satmak doly gadagan ediler. Bu çäreler ýurtda plastik paketleri ulanmazlyk babatda 2017-nji ýyldan bäri hereket edýän gadagançylygyň, şeýle hem bir gezek ulanylýan plastik gap-gaçlary hem-de bu materialdan ýasalan çaga oýnawaçlaryny ýurda getirmezlik babatda 2021-nji ýylda girizilen gadagançylygyň üstüni ýetirer.

Ýerli ekoologlaryň pikiriçe, Şri-Lankadaky plastikden ýüz öwürmek çäresi, ekologiýa taýdan arassa materiallar babatda dünýä modasyna hormat däl-de, gyssagly zerurlykdyr. Ýurt her gün onlarça tonna plastik galyndy öndürýär. Zerur enjamlaryň ýoklugy sebäpli olar hiç hili gaýtadan işlenilmeýär. Plastik ýere gömülensoň daşky gurşawy zäherläp, ýabany haýwanlaryň ölmegine sebäp bolýar.

Gyzykly bolup bilerЕЩЕ ОТ АВТОРА