PSŽ bilen super ýyldyz Lionel Messiniň arasyndaky mesele ulalyp barýan ýaly. Klubda şikesi sebäpli oýnap bilmedik Messiniň Argentinanyň ýygyndysyna çagyrylmagy PSŽ-niň ýolbaşçylaryny birahat etdi. Bu barada PSŽ-niň sport direktory Leonardo dyzyndaky şikesi sebäpli bizde 2-3 oýny goýberen Messiniň gowulaşyp-gowulaşmanka ýygynda çagyrylmagyndan hoşal däldiklerini aýtdy. Ol: Entek fiziki taýdan doly taýýar däl futbolçymyzyň gidip milli ýygyndynyň köýnekçesini geýmegi gaty bir makullanar ýaly ýagdaý däl. Şeýle ýagdaýlarda meseläni FIFA-nyň çözmegini gerek” diýip, gürrüň berdi.

PSŽ-de Messiniň çempionatda 5 duşuşykda 1 goly hem ýok. Çempionlar Ligasynda 3 gol geçiren Messiniň çempionatdaky käbir duşuşyklarda oýundan ir çykarylmagyndan ol nägile bolupdy.

Beýleki bir tarapdanam edil Messi ýaly tölegsiz düzüme goşulan Serhio Ramosyň hem şikesi sebäpli bir duşuşykda meýdança çykmady Bu ýagdaý hem parižlileriň keýpini gaçyryp ugrapdy we Ramosyň başga kluba geçip-geçmejekdigi barada gürrüňler ýaýrap başlapdy. Ýöne soňky gürrüňlerde oýunçynyň şikesden saplanandygy we iň gysga wagtda meýdança çykmagyna garaşylýandygy habar berlipdi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА