Fransiýanyň çempionaty “Ligue 1”-de 8-nji tapgyra badalga berlip, çempion PSŽ öz meýdançasynda “Starsbur” toparyny kabul etdi. 6 goluň geçirilen duşuşygynda ýeňiş gazanan bolmady. Çekeleşikli geçen oýunda parižliler Barkolýanyň 6-njy minutdaky goly bilen hasaby açsalaram, myhmanlar 50 minut dolmanka 3-1 öňe saýlandy. “Strasbur” toparyny öňe geçiren gollary Paniçelli (26, 49) bilen Moreýra (41) geçirdi. Ýöne oýnuň soňky çärýeginde parižliler erjellik görkezip hasaby deňlemegi başardy. 68-nji minutda Gansalu Ramuş penaltini dürs ursa, 79-njy minutda Maýulu hasaby deňlän oýunçy boldy. Şunlukda, şu möwsümde 2-nji gezek deňme-deň oýnan PSŽ häzirlikçe 17 utuk bilen 1-nji orunda barýar. Utugyny 16-a ýetiren “Strasbur” 2-nji orna beýgeldi. Çempionatda şu agşam 15 utukly “Marsel” – “Le Hawry” kabul etse, 15 utukly “Lion” topary “Nissa” toparynyň myhmany bolar.

Gyzykly bolup bilerЕЩЕ ОТ АВТОРА