Çempionatyň iň ökde oýunçysyna berilýän “Altyn top” baýragyna çempion Ispaniýanyň ýygyndysy ýarymgoragçysy Rodri laýyk görüldi. 30 ýaşyndaky futbolçy bu ugurda Lionel Messi (Kümüş top) hem-de Kilian Mbappeden (bürünç top) öňe geçdi. Rodri şu çempionatda 655 takyk pas geçirip, bu statistikalaryň sanawa alnyp başlanan 1966-njy ýylyndan bäri iň ýokary görkeziji boldy.

Rodri futbolyň taryhynda Dünýä Kubogyny, UEFA Çempionlar Ligasynyň çempionlygyny hem-de “Altyn topy” (Ballon d’Or) gazanan 11-nji futbolçy bolmagy başardy. Ondan öň angliýaly Bobbi Çarlton, germaniýaly Frans Bekkenbauer, Gerd Müller, italiýaly Paolo Rossi, fransiýaly Zinedin Zidan, braziliýaly Ronaldinio, Riwaldo, Kaka Leite, argentinaly Lionel Messi, fransiýaly Usman Dembele milli toparlaryň, klublaryň hem-de şahsy baýraklaryň arasyndaky iň ululary hasaplanýan bu 3 sylagy eýelediler.

23-nji Dünýä Kubogynda iň ökde derwezeçä berilýän “Altyn ellik” baýragyna Unaý Simon laýyk görüldi. Ispaniýaly derwezeçi 8 oýunda 1 gol geçirdip, ol 650 minut derwezesini goldan gorady we bu ugurda rekordyň täze eýesi boldy.

Çempionatyň iň ökde ýaş futbolçysy baýragyny ispaniýaly Pau Kubarsi eýeledi. 19 ýaşyndaky goragçy toparynyň çempionlygyna uly goşant goşdy.

23-nji Dünýä Kubogynyň Fair-Play baýragy bolsa Niderlandlaryň ýygyndysyna berildi.

Gyzykly bolup bilerЕЩЕ ОТ АВТОРА