Futbolyň rowaýaty ýyldyzlaryndan, italiýaly meşhur derwezeçi Janluiji Buffon 20 ýyldan soň professional karýerasyna başlan topary “Parma” dolandy. 43 ýaşyndaky weteran derwezeçi täze möwsümde “Serie B”-de çykyş etjek “Parma” bilen 2 ýyllyk şertnama baglaşdy. 1995-nji ýylda “Parmada” futbola başlan Buffon 2001-nji ýyla çenli bu klubda oýnady. Şondan soň şol döwrüň rekord bahasyna Ýuwentusa transfer boldy. Goja Sinýoranyň düzüminde-de 2018-nji ýyla çenli çykyş eden Buffon 1 ýyllyk PSŽ-de oýnanyndan soň ýene-de 2019-njy ýylda “Ýuwentusa” dolandy. Serie A-da iň köp duşuşyk geçiren oýunçy rekordynyň eýesi bolan (657 oýun) Buffon “Ýuwentus” bilen 10 çempionlyk gazandy. Buffon “Parmada” 220 oýun geçiripdi we Italiýanyň Kubogyny, Super Kubogyny hem-de UEFA Kubogyny gazanypdy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА