Sag­dyn dur­muş ýö­rel­ge­si­ne eýe­rip

Eziz Diýarymyzyň iň gymmatly baýlygy bolan ynsan saglygyny gorap saklamak, ýaş nesliň geljekde beden we ruhy taýdan sagdyn, ruhubelent adamlar bolup ýetişmegini gazanmak möhüm döwlet wezipeleriniň biri bolup durýar. Dün­ýä­de giň­den bel­le­nil­ýän Bü­tin­dün­ýä sag­lyk gü­ni 1950-nji ýyl­dan bä­ri her ýyl 7-nji ap­rel­de bel­le­nil­ýär. Bu se­nä­niň saý­la­nyp alyn­ma­gy tö­tän­le­ýin däl­dir, hut 1948-nji ýy­lyň 7-nji ap­re­lin­de Bü­tin­dün­ýä Sag­ly­gy Go­ra­ýyş Gu­ra­ma­sy­nyň Ter­tip­na­ma­sy güý­je gir­di, hä­zir­ki wagt­da dün­ýä­niň en­çe­me döw­le­ti bu gu­ra­ma­nyň ag­za­sy bo­lup dur­ýar. Ga­raş­syz, he­mi­şe­lik Bi­ta­rap Türk­me­nis­tan döw­le­ti­miz hem bu gu­ra­ma­nyň ag­za­ly­gy­na ka­bul edi­len gü­nün­den bä­ri gu­ra­ma bi­len iş­jeň gat­na­şyk­la­ry alyp bar­ýar. Yn­san sag­ly­gy­na, be­den­ter­bi­ýä we spor­ta aý­ra­tyn äh­mi­ýet be­ril­me­gi ne­ti­je­sin­de ila­tyň öm­rü­niň or­ta­ça do­wam­ly­ly­gy art­ýar. Ýur­du­myz­da ada­myň sag­ly­gy jem­gy­ýe­tiň we döw­le­tiň iň ýo­ka­ry gym­mat­ly­gy bo­lup dur­ýar.
«Ga­raş­syz döw­le­ti­miz­de köp­çü­lik­le­ýin spor­ty ös­dür­mä­ge we ýaş­lar sy­ýa­sa­ty­na esa­sy orun de­giş­li­dir. Şo­nuň üçi­nem, ila­tyň giň gat­lak­la­ry­ny be­den­ter­bi­ýe we sport bi­len meş­gul­lan­ma­ga çek­mek, ça­ga­lar spor­tu­ny ös­dür­mek, ýaş­la­ryň ara­syn­da sag­dyn dur­muş ka­da­la­ry­ny wa­gyz et­mek bo­ýun­ça iş­ler do­wam et­di­ri­ler» di­ýip, hor­mat­ly Pre­zi­den­ti­miz belleýär.
We­lo­si­ped­li ýö­riş­ler dur­muş, sport hem-de eko­lo­gi­ýa mak­sat­ly dür­li tas­la­ma­la­ry, pi­kir­le­ri gol­da­mak ba­bat­da en­çe­me ýurt­lar­da ge­çi­ril­ýän jem­gy­ýet­çi­lik äh­mi­ýet­li çä­re­le­riň meş­hur gör­nüş­le­ri­niň bi­ri­dir. Şo­ňa gö­rä-de, bu çä­re­ler Türk­me­nis­tan­da hem şä­her­le­riň, oba­la­ryň ýa­şaý­jy­la­ry­ny, dür­li ýaş­da­ky ne­sil­le­ri bir­leş­dir­ýär. Şo­nuň bi­len bir­lik­de, bu çä­rä­niň ge­çi­ril­me­gi­niň eko­lo­gi­ýa ug­ry onuň mö­hüm dü­züm bö­le­gi bo­lup dur­ýar.
Ýur­du­myz­da uzak­möh­let­le­ýin eko­lo­gi­ýa mak­sat­na­ma­la­ry iş­jeň he­re­ket ed­ýär. Giň ge­rim­li eko­lo­gi­ýa mak­sat­na­ma­sy­nyň üs­tün­lik­li dur­mu­şa ge­çi­ril­me­gi ne­ti­je­sin­de, ýur­du­my­zyň äh­li we­la­ýat­la­ryn­da, aý­ra­tyn-da, dag etek­le­rin­de aras­sa ho­wa gur­şa­wy eme­le gel­di. Te­bi­ga­ty go­ra­mak, te­bi­gat­dan aýaw­ly peý­da­lan­mak, bio­lo­gik köp­dür­lü­li­gi go­rap sak­la­mak ýur­du­myz­da al­nyp ba­ryl­ýan döw­let sy­ýa­sa­ty­nyň mö­hüm ugur­la­ry­nyň bi­ri­dir. Ata Wa­ta­ny­my­zy ba­gy-bos­san­ly­ga öwür­mek, te­bi­ga­tyň baý­lyk­la­ry­ny aýaw­ly sak­la­mak ba­ra­da ila­tyň dü­şün­je­si­ni ýo­kar­lan­dyr­mak, daş­ky gur­şa­wy go­ra­ma­gyň hu­kuk bin­ýa­dy­ny pug­ta­lan­dyr­mak ba­bat­da uly iş­ler üs­tün­lik­li ama­la aşy­ryl­ýar.
Eziz Di­ýa­ry­my­zyň ösüş­le­re eýe bol­ýan döw­rün­de ulag se­riş­de­le­ri hem art­ýar. Ulag se­riş­de­le­ri­niň sa­ny­nyň art­ma­gy he­re­ke­tiň ýyg­jam­laş­ma­gy­na ge­tir­ýär.

Şo­nuň üçin hem ýol he­re­ke­ti­niň howp­suz­ly­gy­nyň, düz­gün­le­ri­niň do­ly ber­jaý edil­me­gi ug­run­da ýur­du­my­zyň äh­li kün­jek­le­rin­de mö­hüm iş­ler ama­la aşy­ryl­ýar. Ýur­du­myz­da «Ýol he­re­ke­ti­niň howp­suz­ly­gy ha­kyn­da» Türk­me­nis­ta­nyň Ka­nu­ny üs­tün­lik­li dur­mu­şa ge­çi­ril­ýär.
Aş­ga­bat şä­her hä­kim­li­gi­niň hem-de Jem­gy­ýet­çi­lik gu­ra­ma­la­ry­nyň baş­lan­gy­jy esa­syn­da, Bü­tin­dün­ýä sag­lyk gü­ni my­na­sy­bet­li Aş­ga­bat­da ap­rel aýy­nyň 4−11-i ara­ly­gyn­da aw­tou­lag­syz gün­ler ge­çi­ril­ýär. Dä­be öw­rü­len bu çä­re adam üçin ze­rur bo­lan aras­sa ho­wa gur­şa­wy­ny eme­le ge­tir­mä­ge, eko­lo­gi­ýa aba­dan­çy­ly­gy­nyň ýo­ka­ry de­re­je­si­ni, aras­sa­çy­lyk ka­da­la­ry­ny üp­jün et­mä­ge gö­nük­di­ri­len­dir. Şeý­le hem ýur­du­myz­da her ýy­lyň 1-30-njy sent­ýab­ry ara­ly­gyn­da «Ýol he­re­ke­ti­niň howp­suz­ly­gy − öm­rü­mi­ziň ra­hat­ly­gy» di­ýen at bi­len bi­raý­lyk ge­çi­ril­ýär.
Bu çä­re­ler top­lu­my ila­tyň sag­ly­gy­ny go­ra­ma­ga, ýol he­re­ke­ti­niň düz­gün­le­ri­niň ber­jaý edil­me­gi ne­ti­je­sin­de şi­kes­le­riň we maýyp­ly­gyň öňü­ni al­ma­ga gö­nük­di­ri­len­dir. Ýol he­re­ke­ti­niň düz­gün­le­ri­niň sak­lan­ma­gy, şeý­le-de ýol-ulag ha­dy­sa­la­ry­nyň öňü­niň alyn­ma­gy, oza­ly bi­len he­re­ke­te gat­na­şy­jy­la­ryň ýol he­re­ke­ti­niň ka­da­la­ry­ny kä­mil ber­jaý et­me­gi­ne gö­nü­den-gö­ni bag­ly bo­lup dur­ýar. Py­ýa­da­la­ryň bel­le­nen düz­gün­le­re eýer­mez­li­gi, py­ýa­da­lar üçin ni­ýet­len­me­dik ýer­ler­den ge­çil­me­gi ýol-ulag ha­dy­sa­la­rynyň ýü­ze çyk­ma­gy­na se­bäp bol­ýar. Aw­tou­lag­la­ryň bel­le­nen tiz­lik­den ýo­ka­ry sü­rül­me­gi, ýol he­re­ke­ti­niň ka­da­la­ry­nyň dürs ber­jaý edil­mez­li­gi ýol-ulag ha­dy­sa­la­ry­nyň dö­re­me­gi­ne alyp bar­ýan ýa­ra­maz ýag­daý­lar­dyr.
Her bir ra­ýa­tyň ýol he­re­ke­tin­de şah­sy jo­gap­kär­çi­li­gi bol­ma­ly­dyr. Ýol­lar­da özü­ňi alyp bar­ma­gyň düz­gün­le­ri ba­ra­da­ky ge­çi­ril­ýän çä­re­le­riň äh­li­si ra­ýat­la­ryň howp­suz­ly­gy­ny, hal­ky­my­zyň asu­da we pa­ra­hat ýa­şa­ma­gy üçin wa­jyp äh­mi­ýe­te eýe bo­lup dur­ýar.
Hal­ky­my­zyň sag­ly­gy üçin taý­syz ta­gal­la­la­ry ed­ýän hor­mat­ly Pre­zi­den­ti­mi­ziň ja­ny sag, öm­ri uzak, alyp bar­ýan iş­le­ri he­mi­şe ro-waç bol­sun!

Mu­ham­met­na­zar GEL­DI­ÝEW,
Türk­me­nis­ta­nyň Mil­li Ge­ňe­şi­niň Halk Mas­la­ha­ty­nyň Yk­dy­sa­dy­ýet, ma­li­ýe we dur­muş sy­ýa­sa­ty ba­ra­da­ky ko­mi­te­ti­niň ag­za­sy.