Şu günden (13-nji oktýabr) başlap, Şengen sebitine syýahat edýänleriň giriş we çykyşlaryny sanly hasaba alýan Elektron giriş-çykyş ulgamy işe girizildi. Tapgyrlaýyn ýola goýulýan düzgün geljek ýylyň 10-njy aprelinden başlap, dolulygyna güýje girer. Ýewropa Bileleşiginiň Komissiýasyndan hat üsti bilen berlen habara görä, serheti dolandyrmagyň sanlylaşdyrylmagyny maksat edinýän düzgüniň 29 ýurtda tapgyrlaýyn ýagdaýda ýola goýlandygy mälim edildi. ÝB-niň daşky çäklerindäki gözegçiligiň täsirliliginiň we netijeliliginiň artdyrylmagy maksat edinilýän bu ulgam bileleşige agza ýurtlara gysga wagtlyk barýan agza däl ýurtlaryň raýatlaryny sanly ulgamda hasaba alnar. Daşary ýurtly syýahatçylaryň pasport maglumatlary, barmagynyň yzy we ýüzüniň suraty sanly ulgama giriziler.
Ulgamda Ýewropa Bileleşigi, Islandiýa, Lihtenşteýn, Norwegiýa we Şweýsariýa döwletleriniň raýatlaryndan başga döwletleriň raýatlary hasaba alnar.