Italiýanyň çempionatynda tapgyryň merkezi duşuşygynda, Italiýa derbisinde “Ýuwentus” öz meýdançasynda “Interden” 1-0 hasabynda üstün çykdy. Çempionlyk ýaryşynyň täzeden alawlanmagyna sebäp bolan bu goly 74-nji minutda Konseýsau geçirdi.

Sanawyň lideri “Napoli” myhmançylykda “Lasio” bilen duşuşyp, soňky minutlarda ýeňşi elden giderdi. “Milan” bolsa öz meýdançasynda “Weronany” täze transferi Himenesiň ýeke-täk goly esasynda kynlyk bilen ýeňdi.

Şu ýyla geçip ýeňilmän gelýän “Roma” myhmançylykda “Parmany” Suleniň goly bilen 1-0 hasabynda utdy. “Fiorentinanyň” öz meýdançasynda “Komodan” 2-0 hasabynda asgyn gelmegi tapgyryň garaşylmadyk netijesi boldy. “Bolonýa” bolsa “Torinony” Biraginiň 90-njy minutda awtogoly bilen 3-2 hasabynda ýeňdi.

“Serie A”-da 25-nji tapgyryň netijeleri:

Bolonýa – Torino: 3-2 (Ndoý 20, 70 p, Biragi 90 ö.d. – Wlaşiç 37, Elmas 65),

Atalanta – Kaliari: 0-0,

Lasio – Napoli: 2-2 (Isaksen 6, Dia 87 – Raspadori 13, Maruşiç 64 ö.d.),

Milan – Werona: 1-0 (Himenes 75),

Fiorentina – Komo: 0-2 (Diao 41, Paz 66),

Monza – Leççe: 0-0,

Udineze – Empoli: 3-0 (Ekkelankamp 19, 65, Towen 90),

Parma – Roma: 0-1 (Sule 33),

Ýuwentus – Inter: 1-0 (Konseýsau 74),

Jenoa – Wenesiýa: 2-0 (Pinamonti 82, Korne 86)

 

Gyzykly bolup bilerЕЩЕ ОТ АВТОРА