20-den gowrak daşary ýurt liderleri we halkara guramalarynyň wekilleri Şanhaý Hyzmatdaşlyk Guramasynyň (ŞHG) sammitine gatnaşarlar. Bu barada Hytaýyň daşary işler ministriniň kömekçisi Lýu Bin metbugat ýygnagynda mälim etdi. Şanhaý Hyzmatdaşlyk Guramasynyň sammiti 31-nji awgustdan 1-nji sentýabr aralygynda Týanszinde geçiriler.
-Hytaýyň Başlygy Si Szinpin, Haýhe derýasynyň kenarynda 20-den gowrak daşary ýurt ýolbaşçysy we 10-dan gowrak halkara guramasynyň ýolbaşçylary bilen duşuşar – diýip, Lýu Bin aýtdy.
Liu Biniň aýtmagyna görä, döwlet Baştutanlary ŞHG-niň üstünlikli tejribesini ara alyp maslahatlaşarlar, guramanyň ösüşiniň ugruny kesgitlärler, guramanyň çäklerinde hyzmatdaşlyk meseleleri boýunça ylalaşyga gelerler we guramany has jebis jemgyýete öwürmek barada pikir alyşarlar.
ŞHG-niň 2001-nji ýylda döredilen halkara guramadyr. Oňa Hindistan, Eýran, Gazagystan, Hytaý, Gyrgyzystan, Russiýa, Täjigistan, Pakistan we Özbegistan girýär. Belarus Respublikasy 2024-nji ýylyň 4-nji iýulynda Astanada geçirilen sammitde resmi taýdan goşuldy. Owganystan we Mongoliýa synçy ýurtlar, Azerbaýjan, Ermenistan, Bahreýn, Müsür, Kamboja, Katar, Kuweýt, Maldiw, Mýanma, Nepal, Birleşen Arap Emirlikleri, Saud Arabystany, Türkiýe bolsa, ŞHG-niň gepleşik boýunça hyzmatdaş ýurtlarydyr.

Gyzykly bolup bilerЕЩЕ ОТ АВТОРА