ABŞ-nyň “SpaceX” kompaniýasy Luiziana ştatynyň Wermilion okrugynda “Starship” kosmos gämileri üçin täze kosmodrom döretmegi meýilleşdirýär. Kompaniýanyň resmi beýanatyna görä, bu taslama azyndan 100 milliard dollar möçberinde maýa goýumlaryny gönükdirmäge, 3 müňden gowrak täze iş ornuny döretmäge mümkinçilik berer.

Täze kosmodromyň gurluşyk işlerine 2027-nji ýylda başlanmagy, ilkinji uçuşyň bolsa 2029-njy ýyla niýetlenilmegi arkaly, bu ýerde ýylda müňlerçe uçuşy amala aşyrmak göz öňünde tutulýar. Şeýle hem, bu awtonom kosmos porty özbaşdak ýangyç we elektrik energiýasyny öndürmäge ukyply bolar.

Häzirki wagtda “Starship” kosmos gämileriniň ähli synag uçuşlary Tehas ştatyndaky “Starbase” meýdançasyndan amala aşyrylýar. Kompaniýanyň strategiýasyna laýyklykda, köpugurly “Starship” ulgamy geljekde Ýeriň töwereginiň orbitasyna adamly uçuşlary amala aşyrmaga, emeli hemralary çykarmaga, şeýle hem Aýa, Marsa we beýleki daşky kosmos giňişliklerine missiyalary ýerine ýetirmäge niýetlenendir. Şunda köp gezek ulanylýan “Super Heavy” we “Starship” enjamlarynyň dik ýagdaýda gondurylmagy göz öňünde tutulýar.

Gyzykly bolup bilerЕЩЕ ОТ АВТОРА