Türk­me­nis­ta­nyň baý te­bi­gy şert­le­ri­ne, jem­gy­ýe­tiň sport müm­kin­çi­li­gi­ne, ba­şar­jaň­ly­gy­na, sy­ýa­hat­çy­lyk ul­ga­my­na, ony ne­ti­je­li ös­dür­mek­li­ge gö­nük­di­ril­ýän ma­ýa go­ýum­lar in­no­wa­si­on işiň ne­ti­je­le­rin­den yba­rat bo­lup, ola­ry ös­dür­mek­li­ge giň ýol­lar açyl­ýar. Bu iş­le­riň ne­ti­je­sin­de sag­lyk, sport, sy­ýa­hat­çy­lyk wa­jyp ugur­la­ryň bi­ri­ne öw­rül­ýär. Ýur­du­myz­da bu ugur­lar mak­sat­na­ma­la­ýyn, di­wer­si­fi­ka­si­ýa­nyň esa­syn­da se­bit­ler bi­len bir­lik­de ös­dü­ril­ýär. Döw­le­ti­mi­ziň dün­ýä gi­ňiş­li­gin­de bäs­deş­li­ge ukyp­ly­ly­gy­ny üp­jün et­mek mak­sa­dy bi­len ýur­du­myz­da in­no­wa­si­ýa­la­ra esas­lan­ýan yk­dy­sa­dy­ýe­ti dö­ret­mek­li­ge, iň tä­ze teh­no­lo­gi­ýa­la­ry or­naş­dyr­mak­ly­ga mö­hüm äh­mi­ýet be­ril­ýär. Bu öz­gert­me­ler sag­ly­gy go­ra­ýyş, sport, sy­ýa­hat­çy­lyk ul­ga­myn­da hem dur­mu­şa or­naş­dy­ryl­ýar. In­no­wa­si­on açyş­la­ryň önüm­le­ri bo­lan tä­ze teh­no­lo­gi­ýa­la­ry özün­de jem­le­ýän sport des­ga­la­ry hä­zir­ki wagt­da ýur­du­my­zyň ila­ty­ny sag­dyn dur­muş, sag­dyn jem­gy­ýet ýö­rel­ge­si­ne iter­ýär. Bu bol­sa öz ge­ze­gin­de be­den­ter­bi­ýe bi­len meş­gul­lan­ýan adam­la­ryň sa­ny­nyň art­ma­gy­na ge­tir­ýär. Esa­san hem, ýaş nes­liň bu ugur­da­ky gy­zyk­lan­ma­la­ry­ny art­dyr­ýar. Adam­la­ryň daş­ky gur­şa­wyň tä­sir­le­ri­ne dur­nuk­ly bol­mak­la­ry­ny, be­den­ter­bi­ýe, sport we sag­dyn dur­muş ýö­rel­ge­si­ni alyp bar­ýan adam­la­ryň im­mu­n ul­ga­my­nyň pug­ta­lan­ma­gy­ny üp­jün ed­ýär. Di­ňe bir ýo­kanç­ly wi­rus­la­ra däl, eý­sem, beý­le­ki ke­sel­le­re hem gar­şy dur­ma­gy­na ýar­dam ber­ýär. Sag­dyn be­den­li, be­lent ruh­ly, döw­re­bap bi­lim­li we ylym­ly, hem­me­ta­rap­la­ýyn ösen şah­sy­ýe­ti ke­ma­la ge­tir­mek işin­de be­den­ter­bi­ýä­niň we spor­tuň tä­si­ri örän ýo­ka­ry­dyr.
Hor­mat­ly Pre­zi­den­ti­mi­ziň: «Ylym­ly-bi­lim­li, sag­dyn ýaş­lar döw­le­ti­mi­ziň kuw­wat­ly güý­jü­dir, nu­ra­na gel­je­gi­dir. Bi­lim al­mak, hü­när öw­ren­mek, be­den we ru­hy taý­dan sag­dyn ös­mek hal­ky­my­zyň ga­dym­dan gel­ýän nus­ga­lyk mil­li ýö­rel­ge­si­dir» di­ýen söz­le­rin­den ruh­lan­ýan tür­gen­le­ri­miz hal­ka­ra de­re­je­sin­de ge­çi­ril­ýän ýa­ryş­lar­da üs­tün­lik­li çy­kyş ed­ýär­ler we baý­rak­ly orun­la­ra my­na­syp bol­ýar­lar.
Ýa­kyn­da «Ar­ka­dag» fut­bol to­pa­ry Azi­ýa­nyň Fut­bol Kon­fe­de­ra­si­ýa­sy­nyň Ça­gy­ryş Li­ga­sy­nyň çem­pio­ny bo­lup, sport üs­tün­lik­le­ri­mi­ziň da­ba­ra­lan­ýan­dy­gy­ny no­bat­da­ky ge­zek su­but et­di. Ar­ka­dag şä­he­ri­niň fut­bol to­pa­ry ýur­du­my­zyň bi­rin­ji­li­gi ug­run­da­ky bäs­le­şik­ler­de hem öňe saý­lan­ma­gy ba­şar­dy. Mu­nuň özi Arkadag şä­he­riniň sport ul­ga­my­nyň mad­dy-en­jam­la­ýyn bin­ýa­dy­nyň hä­zir­ki za­man ta­lap­la­ry­na do­ly la­ýyk gel­ýän­di­gi­ni, tür­gen­le­riň taý­ýar­lyk de­re­je­si­niň ýo­ka­ry­dy­gy­ny äş­gär ed­ýär.
«Ar­ka­dag» to­pa­ry­nyň hal­ka­ra are­na­syn­da ga­za­nan üs­tün­li­gi Gah­ry­man Ar­ka­da­gy­my­zyň hem-de Ar­ka­dag­ly Gah­ry­man Ser­da­ry­my­zyň ta­gal­la­la­ry ne­ti­je­sin­de sport ýur­du­na öw­rü­len eziz Wa­ta­ny­myz­da spor­tuň beý­le­ki gör­nüş­le­ri bi­len bir­lik­de fut­bo­lyň hem dün­ýä de­re­je­si­ne çyk­ýan­dy­gy­ny aý­dyň­ly­gy bi­len gör­kez­ýär.
Biz ýaş­la­ra iş­le­mä­ge, ýo­ka­ry hil­li bi­lim al­ma­ga hem-de sport bi­len meş­gul­lan­ma­ga müm­kin­çi­lik­ dö­re­dip ber­ýän Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň jan­la­ry sag, be­lent baş­la­ry aman bol­sun, il-ýurt bäh­bit­li umu­ma­dam­zat äh­mi­ýet­li tu­tum­ly iş­le­ri el­my­da­ma ro­waç al­syn!

Bä­gül Gur­ban­ly­ýe­wa,
Türkmen döwlet maliýe institutynyň mugallym-öwrenijisi.

Gyzykly bolup bilerЕЩЕ ОТ АВТОРА