Fransiýanyň çempionatynda 21-nji tapgyra 2 duşuşyk bilen badalga berildi. Tapgyryň merkezi oýnunda sanawyň ýeňlişsiz lideri PSŽ öz meýdançasynda 3-nji ýerdäki “Monako” bilen duşuşdy. Çekeleşikli geçen oýunda parižliler 4-1 hasabynda ýeňşini baýram etdi. Witinýanyň jerime urgusyndan geçiren goly bilen öňe saýlanan parižliler 17-nji minutda Zakariýanyň goluna alaç tapyp bilmedi. 1-nji ýarymy 1-1 deňlikde tamamlanan duşuşykda 54-nji minutda täze transfer Hwiça Kwarasheliýa tapawutlanyp, özüniň PSŽ-däki ilkinji goluny geçirdi. Soňra 57-nji minutda Usman Dembele özara owadan paslaşykdan soň hasaby 3-1-e ýetirdi. Ol 90-njy minutda ýene bir gol geçirip, oýna soňky nokady goýdy. 7 oýundan bäri tapawutlanyp gelýän Dembele soňky 10 duşuşykda 15 goly öz adyna ýazdyrdy. Dembele şu ýyla geçip 6 oýunda 13 gol saldy.

Täze tapgyryň açylyş duşuşygynda “Brest” myhmançylykda “Nanty” Ažorkyň 9-njy, Les-Melunyň 90+6-njy minutlardaky gollary esasynda 2-0 ýeňdi.

Gyzykly bolup bilerЕЩЕ ОТ АВТОРА