Türk­men dip­lo­ma­ti­ýa­sy­nyň hä­zir­ki za­man ösü­şi ýur­du­my­zyň hal­ka­ra hyz­mat­daş­ly­gy­nyň kö­pu­gur­ly kuw­wa­ty­ny do­ly de­re­je­de dur­mu­şa ge­çir­mä­ge, ta­ry­hyň do­wa­myn­da ke­ma­la ge­len dost­luk we do­gan­lyk däp­le­ri­ne esas­lan­ýan döw­le­ta­ra gat­na­şyk­la­ry hä­zir­ki döw­rüň ýag­daý­la­ry­na la­ýyk gel­ýän tä­ze sep­git­le­re çy­kar­ma­ga gö­nük­di­ri­len­dir. Aý­dy­lan­lar­dan ugur al­mak bi­len, Türk­me­nis­ta­nyň Azer­baý­jan Res­pub­li­ka­sy bi­len öza­ra hyz­mat­daş­ly­gy ba­bat­da öň­den gel­ýän dö­re­di­ji­lik­li we yna­nyş­mak hä­si­ýe­ti­ne eýe bo­lan iki­ta­rap­la­ýyn hyz­mat­daş­ly­gyny bel­le­mek ze­rur­dyr.
Türk­me­nis­tan bi­len Azer­baý­jan Res­pub­li­ka­sy­nyň ara­syn­da­ky dip­lo­ma­tik gat­na­şyk­lar 1992-nji ýy­lyň 9-njy iýu­nyn­da ýo­la go­ýul­dy. Ýurt­la­ry­myz iki­ta­rap­la­ýyn esas­da bol­şy ýa­ly, köp­ta­rap­la­ýyn esas­da, şol san­da ab­raý­ly hal­ka­ra gu­ra­ma­la­ryň çäk­le­rin­de ne­ti­je­li hyz­mat­daş­lyk ed­ýär­ler. Söw­da-yk­dy­sa­dy ul­gam­da öza­ra gat­na­şyk­lar iş­jeň ös­dü­ril­ýär. Bu ul­gam­da iki ýur­duň hem ägirt uly kuw­wa­ty bar. Me­de­ni-yn­san­per­wer ul­gam­da-da gat­na­şyk­lar iş­jeň­leş­di­ril­ýär.
Iki do­gan­lyk ýurduň ara­syn­da­ky dost­lugy pug­ta­lan­dyr­mak­da par­la­men­ta­ra gat­na­şyk­la­ra, söw­da-yk­dy­sa­dy hyz­mat­daş­ly­ga aý­ra­tyn üns be­ril­ýär. Hä­zir­ki wagt­da Dur­nuk­ly ösüş mak­sat­la­ry­na ýet­mek, ýaş­lar sy­ýa­sa­ty, ze­nan­la­ryň me­se­le­le­ri bo­ýun­ça öza­ra gat­na­şyk­lar hyz­mat­daş­ly­gyň mö­hüm ugur­la­ry­dyr. Türk­me­nis­tan we Azer­baý­jan ulag-lo­gis­ti­ka, ener­ge­ti­ka, ag­ro­se­na­gat, dok­ma se­na­ga­ty ýa­ly ugur­lar­da uly müm­kin­çi­lik­le­re eýe­dir. Ýurt­la­ry­myzyň Azi­ýa­nyň we Ýew­ro­pa­nyň çat­ry­gyn­da ýer­leş­megi giň ge­rim­li hal­ka­ra ulag ge­çel­ge­le­ri­ni dö­ret­mäge mümkinçilik berýär. Hä­zir­ki dö­wür­de hal­ka­ra äh­mi­ýet­li örän iri ulag çat­ry­gy hök­mün­de Ha­zar se­bi­ti­niň or­ny barha ýo­kar­lan­ýar.
Ener­ge­ti­ka pu­da­gyn­da hyz­mat­daş­lyk üçin hem iki ýur­duň ara­syn­da gel­je­gi uly müm­kin­çi­lik­ler bar­. Ha­zar deň­zin­dä­ki «Dost­luk» ýa­ta­gy­nyň ug­le­wo­do­rod se­riş­de­le­ri­ni bi­le­lik­de öz­leş­dir­mek üçin Türk­me­nis­ta­nyň Hö­kü­me­ti bi­len Azer­baý­jan Res­pub­li­ka­sy­nyň Hö­kü­me­ti­niň ara­syn­da öza­ra dü­şü­niş­mek ha­kyn­da Äht­na­ma 2021-nji ýy­lyň ýan­wa­ryn­da gol çe­kil­me­gi möhüm wa­ka bol­dy. Bu ýag­daý Türk­me­nis­ta­nyň we Azer­baý­ja­nyň Ha­zar deň­zin­de ener­ge­ti­ka ba­bat­da hyz­mat­daş­lyk et­me­gin­de tä­ze tap­gyr bo­lup dur­ýar.
Türk­me­nis­tan bi­len Azer­baý­jan di­ňe bir iki­ta­rap­la­ýyn esas­da däl, eý­sem, köp­ta­rap­la­ýyn esas­da hem hyz­mat­daş­ly­gy­ny ös­dür­ýär. Bu ba­bat­da Türk­me­nis­ta­nyň, Azer­baý­jan Res­pub­li­ka­sy­nyň we Tür­ki­ýe Res­pub­li­ka­sy­nyň üç­ta­rap­la­ýyn gör­nüş­de hyz­mat­daş­lyk et­me­gi ug­run­da giň ta­gal­la­ edil­di. Türk­me­nis­tan, Azer­baý­jan we Tür­ki­ýe hal­ka­ra, se­bit me­se­le­le­ri­ni pa­ra­hat­çy­lyk­ly, sy­ýa­sy ýol­lar bi­len çöz­me­giň ta­rap­da­ry­dyr.

Oraz­mu­ham­met KA­KA­GEL­DI­ÝEW,
Türk­men döw­let bi­na­gär­lik-gur­lu­şyk ins­ti­tu­ty­nyň ta­ly­by.

Gyzykly bolup bilerЕЩЕ ОТ АВТОРА