Beýik Britaniýanyň “Vertical Aerospace” kompaniýasy Ýewropada açyk howa giňişliginde ilkinji gezek uçýan taksisini synagdan geçirdi. “VX4” elektrouçarynyň nusgasyny Angliýanyň Kotsuolds sebitinde asmana göterildi. Munuň üçin ýerli howa menziliniň uçuş-gonuş zolagy ulanyldy. Indiki synag dik we kese uçuşy görkezmegi göz öňünde tutýar.
Golaýda Beýik Britaniýanyň ulag ministriniň orunbasary Maýk Keýn hökümetiň 2028-nji ýyla çenli howa taksilerini ornaşdyrmagy meýilleşdirýändigini habar beripdi. Ýurtda “VX4” işlenip taýýarlanmagy üçin döwlet tarapyndan millionlarça maliýe serişdeleri bölünip berildi. Dört ýolagça niýetlenen uçar 160 kilometre çenli uçmaga we tizligini sagatda 240 kilometre çenli artdyrmaga ukyplydyr.

Gyzykly bolup bilerЕЩЕ ОТ АВТОРА