Waagn Haçatrýan Ermenistanyň Prezidenti boldy

Ermenistan parlamenti ýokary tehnologiýa senagaty ministri Waagn Haçatrýany ýurduň Prezidenti wezipesine saýlady. Bu barada kanun çykaryjy edaranyň hasabat komissiýasynyň başlygy Narek Babaýan mälim etdi.

Onuň bu wezipä ýeke-täk dalaşgärdigi bellenilýär. Haçatrýanyň dalaşgärligini dolandyryjy “Raýat Şertnamasy” partiýasy teklip etdi. Ol birinji tapgyrda azyndan zerur bolan 81 sese derek diňe 69 deputatyň sesine eýe boldy.

-Ikinji tapgyrda zerur bolan 65 deputatyň sesine derek 71 deputat Haçatrýana ses berdi – diýip, Narek Babaýan belledi.

Ermenistanyň öňki Prezidenti Ermen Sarkisýan 23-nji ýanwarda wezipesinden çekilýändigini mälim edipdi.