Ýaponiýanyň dolandyryjy partiýasynyň täze başlygy saýlandy

Ýaponiýanyň Ministrler Kabinetiniň häzirki baş sekretary Ýosihide Suga ýurduň dolandyryjy Liberal demokratik partiýasynyň täze başlygy wezipesine saýlandy. Ýosihide Suga awgust aýynyň ahyrynda saglyk ýagdaýy sebäpli wezipesinden çekilýändigini mälim eden Premýer-ministr Sindzo Abeniň ýerine geldi.

14-nji sentýabrda Tokioda Liberal Demokratik partiýasynyň gurultaýy geçirildi. Ses bermäge gatnaşan wekilleriň köplügi Suganyň dalaşgärligini goldadylar. 16-njy sentýabrda Parlamentiň iki palatasynyň maslahatynda Ýosihide Suganyň täze Premýer-ministr hökmünde tassyklanmagyna garaşylýar.