PDF
Telewideniýe dünýäsiniň iň uly baýragy bolan Emmi baýraklary 73-nji gezek gowşuryldy. Ýylyň iň gowy komediýa serialy diýlip “Apple TV+” platformasynyň “Ted Lasso” serialy saýlandy. Iň gowy drama serialy baýragyna-da “Netflix”-iň meşhur “The Crown” serialy laýyk görüldi. Millionlarça adam tarapyndan tomaşa edilen gysga göwrümli seriallaryň arasynda “The Queen’s Gambit” serialy saýlandy. “RuPaul’s Drag Race” atly efir hem iň gowy bäsleşik programmasy Emmi heýkeljgine laýyk görüldi.
Artistçilik ugurlarynda-da “Ted Lasso” serialynyň ýyldyzy Jeýson Sudeikis iň gowy komediýa serialy aktýory baýragy bilen sylaglandy. Serialyň beýleki artistlerinden Brett Goldstein iň gowy kömekçi aktýor (komediýa seriallary üçin), Hanna Waddingam iň gowy kömekçi aktrisa ugurlary boýunça Emmi heýkeljgini gazandy.
“The Crown” serialyndaky Şazada Çarlzyň keşbi üçin Joş O’Konnor iň gowy drama serialy aktýory diýlip saýlandy. “Hacks” serialyndaky keşbi üçin Jin Smart iň gowy komediýa serialy aktrisasy, ýen-de ýene-de “The Crown” serialyndaky Şa zenany Elizabet II-niň keşbi üçin Oliwiýa Kolman iň gowy drama serialy aktrisasy ugrunda ýeňiji boldy. 2016-njy ýyldan bäri ýaýlymda bolan “The Crown” serialynyň artistleri – Tobias Menzies drama seriallaynyň iň gowy kömekçi aktýory, Jillian Anderson iň gowy kömekçi aktrisasy diýlip yglan edildi.
Gysga göwrümli seriallaryň iň gowy aktýory Ewan MakGregor (“Halston”) hem-de iň gowy aktriasy diýlip, oskarly Keýt Winslet (“Mare of Easttown”) saýlandy. “Mare of Easttown” serialynyň artistlerinden Ewan Piters iň gowy kömekçi aktyor, Julianne Nikolson iň gowy gowy kömekçi aktrisa baýraklaryna mynasyp boldy.
