Birleşen Patyşalykda 125 ýyldan bäri ulanylýan Patyşanyň maşgalasynyň ýurduň içindäki syýahatynda ulanýan otlusynyň ulanyşdan galdyryljakdygy mälim edildi. Köp ýyllaryň dowamynda Şa aýaly Elizabet II-niň ulanan otlusynyň tehniki taýdan ideg etmegiň gymmatdygy we täze ulag serişdeleriniň peýda bolmagy sebäpli ulanyşdan galdyrylýandygy bellenildi. Patyşalygyň maliýe boýunça ygtyýarly wekili Jeýms Çalmers öňe gitmeli bu täze döwürde geçmişe bagly galyp bilmejekdiklerini aýtdy. 2027-nji ýylda ulanyşdan galdyryljak taryhy otlynyň uzak wagtlap goralyp saklanmagy üçin ýeriň gözlenýändigi hem mälim edildi.
2024-25-nji maliýe ýylyna degişli hasaplamalara görä, patyşanyň maşgalasynyň resmi işleri üçin döwlet tarapyndan üpjün edilýän “Sovereign Grant” atly gazna yzly-yzyna dördünji ýylynda 86,3 million funt sterling bolmagynda galar. Emma 2025-2027-nji ýyllar aralygynda bu möçber ýyllyk 132 million funt sterlinge çykarylar. Bu artyşyň esasy sebäbiniň patyşalyga degişli ýerlerdäki suwüsti ýel beketlerinden alnan 1,1 milliard funt sterling girdejiden peýdalanmak we Bakingem köşgüniň täzelenmegi taslamasyny durmuşa geçirmek bilen baglydygy mälim edildi.
Maglumatlara görä, patyşanyň maşgalasyndan ilkinji bolup otly syýahatyndan peýdalanan Adelaide Saksen-Meýningen (şol döwürüň patyşasy Wilgelm IV-iň aýaly) bolup, ol 1840-njy ýylyň 22-nji iýulynda Nottingemden Lids şäherine gidipdir. 1842-nji ýylyň 13-nji iýulynda Şa aýaly Wiktoriýa Londondan Winsdor şäherindäki adybir gala gitmek üçin otla münen ilkinji britan monarhy bolupdyr.

Gyzykly bolup bilerЕЩЕ ОТ АВТОРА