UEFA Çempionlar Ligasynda dartgynly we çekeleşikli geçen oýunda “Atletiko Madride” öz meýdançasynda “Baýeri” ýeňmek ýeňil düşmedi. Oýnuň 25-nji minutynda “Atletikodan” Barrios gyzyl kart aldy. 45+1-nji minutda bolsa Hinkapie lewerkuzenlileri öňe saýlady. 52-nji minutda “Atletiko” 1 oýunçy az hem bolsa Hulian Alwaresiň goly bilen hasaby deňledi. 76-njy minutda Hinkapie 2-nji sary kartdan soň, meýdançadan çykaryldy we iki toparam 10 oýunçy bolup galdy. Duşuşygyň 90-njy minutynda Hulian Alwares özüniň hem-de toparynyň 2-nji goluny geçirip, ispan klubuna ýeňiş getirdi. Bu ispan toparynyň soňky 17 oýundaky 16-njy ýeňşidir.

Öz meýdançasyndaky ilkinji ýeňşi

Italiýanyň “Atalanta” topary öz meýdançasynda “Şturm Grasyň” derwezesinden jogapsyz 5 gol geçirdi. Gollaryň 4-si 2-nji ýarymda, olaryňam 2-si 90-njy minutdan soň derwezä girizilip, 2 golsuz deňlik we 1 ýeňlişden soň “Atalanta” UÇL-niň çäginde şu möwsümde öz meýdançasynda ilkinji ýeňşini gazandy. Awstriýanyň toparynyň bu ýeňlişden soň pleý-offa çykmak mümkinçiligi hem galmady.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА