Saud Arabystanynyň çempionatynda “Al Nassr” topary super ýyldyzy Kristiano Ronaldosyz geçiren duşuşygynda ýeňiş gazanyp bilmedi. 1 oýunlyk jerime alan Ronaldosyz meýdança çykan “Al Nassr” topary iň aşaky orunda barýan “Al Hazm” topary bilen duşuşdy. Duşuşykda ýer eýelerinden Talişkanyň gollaryna myhmanlar her gezek jogap berip, 3 sapar hasaby deňledi. Talişka 31-nji (penalti), 61-nji hem-de 71-nji minutda tapawutlandy. “Al Hazm” toparyndam Al-Mhemaid 53-nji, Toze 66-njy, Selemani 84-nji mnutlarda jogap berdi. Oýnuň 90+4-nji minutynda eminiň bellän 2-nji penaltisini Sadio Mane dürs urup, toparyny 4-3 öňe geçirse-de, 90+9-njy minutda “Al Hazm” topary Paulo Rikardonyň goly bilen hasaby deňlemegi başardy. Netijede, duşuşyk 4-4 hasabynda deňlikde tamamlandy.
