14-nji fewraldaky duşuşykda Parižde 2-0 hasabynda ýeňiş gazanan PSŽ topary “Real Sosiedady” myhmançylykda hem ýeňmegi başardy. 2-1 hasabynda üstün çykan PSŽ-niň gollaryny 15-nji we 56-njy minutlarda Kilian Mbappe derwezä girizdi. “Real Sosiedadyň” ýeke-täk goluny bolsa 89-njy minutda Merino öz adyna ýazdyrdy. 2 oýnuň netijesi boýunça 4-1 hasabynda ýeňiş gazanan PSŽ 8-nji gezek iň gowy 8 klubuň hataryna goşuldy. Kilian Mbappeniň gollarynyň sany 45-e ýetip, ol Lionel Messiden soň UÇL-de 45 gol geçiren iň ýaş 2-nji futbolçy boldy. “Real Sosiedad” 20 ýyldan soň taryhynda 2-nji gezek çärýek finalyň bosagasyndan yzyna gaýtdy.
