UEFA Ýewropa Konferensiýa Ligasynda-da 1/8 finalyň jogap duşuşyklary geçirip, çärýek finala çykan toparlar belli boldy.
Tapgyryň iň geň galdyryjy netijeleri grek klublaryna degişli boldy. Öz meýdançasynda Ysraýylyň “Makkabi Tel-Awiw” toparyndan 4-1 asgyn gelen “Olimpiakos” jogap oýnunda taryhy kembegi başdan geçirdi. 1-nji ýarymda 3 gol geçiren “Olimpiakos” goşmaça wagtda-da 2 gol bilen salyp, 6-1 hasabynda ýeňşini baýram etdi. El Kaabiniň 2 gol geçiren oýnunda “Olimpiakos” umumy hasapda 7-5 öňe saýlanyp, çärýek finala çykdy.
Grekleriň başga bir kluby PAOK hem 1-nji oýunda myhmançylykda “Dinamo Zagrebden” 2-0 utulypdy. Ýöne öz meýdançasynda 5-1 hasabynda ýeňiş gazanan PAOK çärýek finala çykdy. Ýaryşyň final duşuşygynyň PAOK toparynyň stadionynda oýnaljakdygyny bellesek ýerlikli bolar. Amsterdam golsuz deňme-deň oýnan “Aston Willa” öz meýdançasynda “Aýaksy” 4-0 hasabynda ýeňdi.
“Wiktoriýa Plzen” bilen “Serwett” toparlarynyň arasyndaky jogap duşuşygy hem golsuz tamamlanyp, penaltileriň netijesinden çeh kluby çärýek finalçy boldy.
Çärýek finalyň bijeleri şu gün 18:00-da çekiler.
Wiktoriýa Plzen – Serwett: 0-0, 3-1 p (0-0)
Aston Willa – Aýaks: 4-0 (0-0) /Watkins 25, Baýli 60, Duran 75, Diabi 81/
Klub Brýugge – Molde: 3-0 (1-2) /Skow Olsen 45+1, 48, Skoraş 70/
Fenerbahçe – Ýunion Sent-Žilluaz: 0-1 (3-0) /Rasmussen 68/
PAOK – Dinamo Zagreb: 5-1 (0-2) /Rahman 27, Suçiç 33 ö.d., Tomas 42, Kulierakis 72, Ziwkowiç 88 – Hoksa 49/
Lill – Şturm Gras: 1-1 (3-0) /Santos 43 – Bieret 45+1/
Fiorentina – Makkabi Haýfa: 1-1 (4-3) /Barak 59 – Halaili 88/
Makkabi Tel-Awiw – Olimpiakos: 1-6 g.w. (4-1) /Zahawi 57 p – Podense 10, Fortunis 36, El Kaabi 45+3, 65, Ýowetiç 93, El-Arabi 103/
