Şu ýylyň tomsunda Parižde geçiriljek Olimpiýa oýunlarynda futbol ýaryşlarynyň bijeleri çekildi. Erkekleriň arasyndaky futbol ýaryşyna 16 topar gatnaşar.
Bijä laýyklykda altyn medalyň esasy dalaşgärlerinden ýer eýeleri Fransiýanyň Olimpiýa ýygyndysy “A” toparçada ABŞ-nyň, Täze Zelandiýanyň hem-de AFK – KAF pleý-off duşuşygynyň ýeňijisi duşuşar. Soňky çempion Braziliýany ýeňip, gatnaşmaga hukuk gazanan Argentinanyň Olimpiýa topary “B” toparçada Marokkonyň, Ukrainanyň hem-de Aziýadan gatnaşjak bir topar bilen özara güýç synanyşar.
Ispaniýanyň, Müsüriň, Dominikan Respublikasynyň hem-de Aziýanyň bir topary “C” toparçany, Paragwaýyň, Maliniň, Ysraýylyň hem-de Aziýanyň ýene bir wekili “D” toparçany düzdüler.
Zenanlaryň arasynda-da 12 ýygyndy gatnaşar. “A” toparçada Fransiýanyň, Kolumbiýanyň, Kanadanyň, Täze Zelandiýanyň, «B» toparçada ABŞ-nyň, Germaniýanyň, Awstraliýanyň hem-de Afrikanyň bir wekili, «C» toparçada-da Ispaniýadyr Ýaponiýanyň, Braziliýanyň hem-de Afrikanyň başga bir wekili özara bäsleşerler.
24-nji iýul – 10-njy awgust aralygynda guraljak duşuşyklar Fransiýanyň Pariž, Bordo, Marsel, Lion, Sent-Etien, Nissa hem-de Nant şäherlerindäki stadionlarda oýnalyp, final duşuşyklarynyň 2-si (erkekler hem-de zenanlar) hem PSŽ-niň stadiony «Park de Prens» stadionynda geçiriler.
