ABŞ-da bir adam “Mega Millions” lotoreýasyndan 1,13 milliard dollar utdy. Nýu-Jersi ştatynyň ýaşaýjysy dört aýdan bäri hiç kimiň utup bilmändigi sebäpli, nobatdaky tapgyra geçip gelýän lotoreýany utdy. 7, 11, 22, 29, 38 we 4 sanlary bilen utuş gazanan adam puluny islese ýylda bir gezekden birnäçe ýylyň dowamynda ýa-da bir gezekde hem alyp biler. Lotoreýa oýnalan gijesi ilkinji 5 sifri bilen 13 adam bolsa, azyndan 1 million dollar alar. Nýu-Ýorkda bolsa bir adam 2 million dollar utdy. Uly baýraga alan adam puluny bir gezekde almak islese, oňa 537,5 million dollar berler.
ABŞ-nyň 45 ştatynda, paýtagt Waşingtonda we Wirgin adalarynda oýnalýan “Mega Millions” lotoreýasyny mundan ozal 2023-nji ýylyň 8-nji dekabrynda bir adam utupdy. Ýurduň taryhyndaky iň uly lotoreýalary bolsa, 2022-nji ýylyň noýabryndaky 2,04 milliard dollarlyk hem-de 2016-njy ýylyň ýanwaryndaky 1,586 milliard dollar “Powerball” lotolary bolupdy.
