Änew – ga­dy­my me­kan

Döw­le­ti­mi­ziň toý-baý­ram­la­ry bu ýyl hem go­şa-go­şa­dan gel­ýär. «Pä­him-paý­has um­ma­ny Mag­tym­gu­ly Py­ra­gy» ýy­ly di­ýlip at­lan­dyrylan üstümizdäki ýyl­da akyl­dar şa­hy­ry­myz Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy­ny hal­ka­ra de­re­je­sin­de da­ba­ra­ly bel­le­ýä­ris. Ga­dy­my Änew şä­he­ri 2024-nji ýyl­da «Tür­ki dün­ýä­si­niň me­de­ni paý­tag­ty» diý­lip yg­lan edil­di. Bu­lar, ha­ky­kat­dan hem, tu­tuş dün­ýä­niň ün­sü­ni özü­ne çek­ýän wa­ka­lar­dyr.
TÜRK­SOÝ hal­ka­ra gu­ra­ma­sy ta­ra­pyn­dan Änew şä­he­ri­niň 2024-nji ýyl­da «Tür­ki dün­ýä­si­niň me­de­ni paý­tag­ty» diý­lip yg­lan edil­me­gi, bu top­ra­gyň dün­ýä de­re­je­sin­de bel­li açyş­la­ryň me­ka­ny bo­lan­dy­gyn­dan ha­bar ber­ýär. Ta­ryh­da «Änew me­de­ni­ýe­ti» ady bi­len bel­li bo­lan bu ga­dy­my me­kan­da dür­li dö­wür­le­re de­giş­li ta­pyn­dy­lar bi­ler­men­le­riň ün­sü­ni özüne çekýär. Se­bä­bi olar öz­bo­luş­ly hem-de gaý­ta­lan­ma­jak çe­per­çili­gi bi­len gö­ren­le­ri haý­ra­na goý­ýar.
Änew me­de­ni­ýe­ti­niň ga­dy­my ta­ry­hyny hor­mat­ly Pre­zi­den­ti­mi­ziň go­laý­da hal­ky­my­za peş­geş eden «Änew – müň­ýyl­lyk­lar­dan göz­baş al­ýan me­de­ni­ýet» at­ly aja­ýyp ki­ta­byn­da­ky: «Änew ir­ki eý­ýam­lar­dan bä­ri adam­zat ýa­şaý­şy­nyň, esa­sa­nam, eke­ran­çy­lyk, daý­han­çy­lyk me­de­ni­ýe­ti­niň il­kin­ji dö­rän hem-de ösen mer­kez­le­ri­niň bi­ri bo­lup dur­ýar» di­ýen jüm­le-de su­but ed­ýär.
Dün­ýä­niň eke­ran­çy­lyk me­de­ni­ýe­ti­niň me­ka­ny bo­lan Änew şä­he­ri­niň ga­dy­my­ly­gyn­dan, be­ýik­li­gin­den, hä­zir­ki wagt­da ýur­du­myz­da ta­ry­hy-me­de­ni ýa­dy­gär­lik­le­ri­mi­zi aýaw­ly sak­la­mak ba­bat­da dur­mu­şa ge­çi­ril­ýän iri möç­ber­li iş­ler­den söz aç­ýan tä­ze ki­tap hal­ky­my­zyň buý­san­jy­ny art­dyr­dy.
Bil­şi­miz ýa­ly, ýa­kyn­da ga­dy­my Änew top­ra­gyn­da tä­ze met­ji­diň açy­ly­şy bol­dy. Türk­men hal­ky­nyň Mil­li
Li­de­ri Gah­ry­man Ar­ka­da­gy­myz met­ji­di ta­ryh­da şu top­rak, se­bit üçin wa­jyp or­ny bo­lan ýa­dy­gär­li­giň we ata-ba­ba­la­ry­my­zyň hor­ma­ty­na Se­ýit Je­ma­led­din di­ýip at­lan­dyr­mak ba­ra­da döw­let­li tek­li­bi or­ta at­dy. Hal­ky­myz ta­ra­pyn­dan tüýs ýü­rek­den gol­da­nan bu tek­lip ta­ry­hy kök­ler bi­len şu gü­nüň ru­hy bir­li­gi­ni, do­wa­mat-do­wam­ly­ly­gyny ala­mat­lan­dyr­dy. Bu wa­ka­da Ar­ka­dag­ly
Gah­ry­man Ser­da­ry­my­zyň «Änew ýa­ly ga­dy­my me­ka­ny, Mag­tym­gu­ly Py­ra­gy ýa­ly akyl­da­ry, us­sat şa­hy­ry bo­lan hal­kyň me­de­ni­ýe­ti­niň adam­zat me­de­ni­ýe­ti­niň ösüş­le­rin­de uly pa­ýy­nyň bar­dy­gy ikuç­syz ha­ky­kat­dyr. Biz öz ta­ry­hy­my­za gu­wan­ýa­rys. Şol ta­ry­hyň hä­zir­ki za­ma­nyň ru­hy-me­de­ni gur­şa­wy­nyň ke­ma­la gel­me­gin­de düýp­li esas bol­ýan­dy­gy­ny hem ynam­ly yk­rar ed­ýä­ris» di­ýen söz­le­ri dur­muş be­ýa­ny­ny tap­ýar.
Pe­der­le­ri­miz ta­ra­pyn­dan dö­re­di­len Änew me­de­ni­ýe­ti müň­ýyl­lyk­la­ryň do­wa­myn­da kä­mil­leş­di­ri­lip, ne­sil­ler­den-ne­sil­le­re ge­çi­ri­lip gel­nip­dir.
Ar­ka­dag­ly Gah­ry­man Ser­da­ry­my­zyň be­ýan edi­şi ýa­ly, ga­dy­my Änew adam­zat ta­ry­hyn­da­ky mö­hüm mer­kez­le­riň bi­ri­dir. Änew şä­he­ri di­ňe ta­ry­hy bi­len däl, eý­sem, şu gün­ki aja­ýyp­ly­gy we uzak gel­je­ge gö­nü­gen be­ýik mak­sat­la­ry bi­le­nem dün­ýä­niň ün­sü­ni özü­ne çe­kip bil­ýär. Ýur­du­my­zyň äh­li kün­je­gi, şol san­da ga­dy­my Ahal top­ra­gy hem be­ýik ta­ry­hy ösüş­le­re baý­dyr.

Döw­ran AN­NA­NE­PE­SOW,
Döwletmämmet Azady adyndaky Türkmen milli dünýä dilleri institutynyň iňlis dili we edebiýaty fakultetiniň mugallymy.