Aşgabatda geçýän halkara hokkeý ýaryşynda baş baýrak urundaky oýny «Galkan» (Türkmenistan) we «ADIHIC-Kazan» (Tatarystan Respublikasy) oýnarlar. 3-nji orun ugrundaky oýun bolsa «Feniks» (Özbegistan) bilen «Wolat» (Belarus) toparlarynyň arasynda oýnalar. Bu ýagdaý «A» we «B» toparlaryň jemleýji oýunlarynyň netijesinde belli boldy.
«A» toparyň 5-nji tapgyrynda Özbegistanyň «Feniks» topary Eýran Yslam Respublikasynyň «Ice Box Iran Mall» toparyny 6:1 (2:0, 3:1, 1:0) hasaby bilen utdy, Omanyň «Oman Nationals» topary bolsa Bahreýniň «Bahrain Ice Hockey Club» toparyny 3:2 (1:1, 1:1, 1:0) hasaby bilen utdy.
«B» toparda Belarusuň «Wolat» topary Gyrgyz Respublikasynyň «Dordoý» kluby bilen üç tapgyrdaky esasy wagtda 1:1 (0:0, 0:0, 1:1) hasabynda deň oýnap, diňe owertaýmda garşydaşyndan 2:1 hasabynda üstün çykdy. Russiýanyň Tatarystan Respublikasynyň «ADIHIС-Kazan» topary Gazagystanyň «Akmola» klubuny 6:1 (1:0, 2:0, 3:1) hasabynda utdy.
Toparlaryň jemleýji ýagdaýy
«A» topar: 1. «Galkan» 12 utuk. 2. «Feniks» 9 utuk. 3. «Ice Box Iran Mall» 6 utuk. 4. «Oman Nationals» 3 utuk. 5. «Bahrein Ice Hockey Club» 0 utuk.
«B» topar: 1. «ADIHIC-Kazan» 12 utuk. 2. «Wolat» 8 utuk. 3. «Akmola» 6 utuk. 4. «Dordoý» 4 utuk. 5. «Team Türkeý» 0 utuk.
Final we 3-nji orun ugrundaky oýunlar 20-nji aprelde Gyşky oýun görnüşleri boýunça sport toplumynyň uly buzly meýdançasynda geçiriler.
