«Pä­him-paý­has um­ma­ny Mag­tym­gu­ly Py­ra­gy» ýy­lyn­da Türk­me­nis­tan bi­len Tür­ki me­de­ni­ýe­tiň hal­ka­ra gu­ra­ma­sy­nyň (TÜRK­SOÝ) ara­syn­da­ky gat­na­şyk­lar aý­ra­tyn äh­mi­ýe­te eýe bol­dy. Tür­ki döw­let­le­riň ara­syn­da­ky me­de­ni-yn­san­per­wer gat­na­şyk­la­ry has-da pug­ta­lan­dyr­mak ug­run­da giň ta­gal­la ed­ýän Tür­ki me­de­ni­ýe­tiň hal­ka­ra gu­ra­ma­sy 2023-nji ýyl­da Tür­ki­ýe Res­pub­li­ka­sy­nyň Bur­sa şä­he­rin­de ge­çi­ri­len mej­li­sin­de Mag­tym­gu­ly Py­ra­gy­nyň 300 ýyl­ly­gy my­na­sy­bet­li 2024-nji ýy­ly «Tür­ki dün­ýä­niň be­ýik şa­hy­ry we akyl­da­ry Mag­tym­gu­ly Py­ra­gy ýy­ly» di­ýip yg­lan et­di. Şeý­le hem bu gu­ra­ma ta­ra­pyn­dan 2024-nji ýylda «Tür­ki dünýäsiniň me­de­ni paý­tag­ty» hök­mün­de ga­dy­my Änew şä­he­ri saý­la­nyp alyn­dy.
Bu ta­ry­hy wa­ka­lar Türk­me­nis­tan bi­len TÜRK­SOÝ-yň ara­syn­da­ky gat­na­şyk­la­ry tä­ze de­re­je­le­re çy­kar­dy. Mart aýyn­da ýurdumyzda «Tür­ki dünýäsiniň me­de­ni paý­tag­ty» hök­mün­de saý­la­nyp al­nan Änew şä­he­rin­dä­ki da­ba­ra­la­ra ba­dal­ga be­ril­di.
Go­laý­da Tür­ki­ýe Res­pub­li­ka­sy­nyň An­ka­ra şä­he­rin­de «Tür­ki dün­ýä­niň be­ýik şa­hy­ry we akyl­da­ry Mag­tym­gu­ly Py­ra­gy» ýy­ly­nyň da­ba­ra­la­ry­na ba­dal­ga be­ril­di. Oňa ýur­du­my­zyň me­de­ni­ýet we sun­gat iş­gär­le­ri hem gat­naş­dy. Bu da­ba­ra­lar be­ýik türk­men şa­hy­ry Mag­tym­gu­ly Py­ra­gy­nyň 300 ýyl­lyk ýu­bi­le­ýi­niň bel­len­ýän ýy­lyn­da meş­hur söz us­sa­dy­nyň be­lent yn­san­per­wer tag­lym­la­ra ýug­ru­lan dö­re­di­ji­lik mi­ra­sy­nyň di­ňe bir tür­ki dil­li halk­la­ryň däl, eý­sem, bü­tin adam­za­dyň ba­ha­sy­na ýe­tip bol­ma­jak ha­zy­na­sy­dy­gy­ny tas­syk­la­dy.
Türki dün­ýä­sin­de dö­re­di­len il­kin­ji hyz­mat­daş­lyk gu­ra­ma­sy bo­lan Tür­ki me­de­ni­ýe­tiň hal­ka­ra gu­ra­ma­sy bo­lan TÜRK­SOÝ 1993-nji ýyl­da Azer­baý­jan, Ga­za­gys­tan, Gyr­gy­zys­tan, Öz­be­gis­tan, Türk­me­nis­tan we Tür­ki­ýe Res­pub­li­ka­sy­nyň me­de­ni­ýet mi­nistr­le­ri ta­ra­pyn­dan gol çe­ki­len şert­na­ma esasynda dö­re­dil­di. Tür­ki dün­ýä­sin­de we dün­ýä de­re­je­sin­de me­de­ni hem dö­re­di­ji­lik äle­miniň ara­syn­da he­mi­şe­lik hyz­mat­daş­ly­gy üp­jün ed­ýän TÜRK­SOÝ-yň işi dö­re­di­len gü­nün­den bä­ri ag­za ýurt­la­ryň döw­let Baş­tu­tan­la­ry­nyň ho­wan­dar­ly­gyn­da ama­la aşy­ry­lyp ge­lin­ýär.
Tür­ki Döw­let­le­ri­niň Gu­ra­ma­sy, Hal­ka­ra Türk aka­de­mi­ýa­sy we beý­le­ki tür­ki döw­let­le­riň gu­ra­ma dü­züm­le­ri TÜRK­SOÝ bi­len ut­ga­şyk­ly­lyk­da iş­le­ýän gu­ra­ma­lar­dyr. Bu gurama ÝU­NES­KO we beý­le­ki hal­ka­ra gu­ra­ma­la­r, uni­wer­si­tet­ler we hö­kü­me­te de­giş­li bol­ma­dyk gu­ra­ma­lar bi­len ýakyndan hyz­mat­daş­lyk ed­ýär.

Ka­ka­my­rat SOL­TA­NOW,
Döw­let­mäm­met Aza­dy adyn­da­ky Türk­men mil­li dün­ýä dil­le­ri ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА