Russiýanyň Prezidenti Wladimir Putin “Federal ýerine ýetiriji edaralaryň gurluşy barada” karara gol çekdi. Bu barada Kremliň web sahypasynda habar berildi. Russiýanyň Premýer-ministrinde 10 orunbasar bolar, şol sanda Russiýa Federasiýasynyň hökümetiniň birinji orunbasary, Russiýa Federasiýasynyň hökümetiniň başlygynyň orunbasary – Uzak Gündogar Federal okrugyndaky Russiýa Federasiýasynyň Prezidentiniň doly ygtyýarly wekili we Russiýa Federasiýasynyň hökümetiniň başlygynyň orunbasary – Russiýa Federasiýasynyň hökümetiniň baş sekretary. Russiýanyň täze hökümetinde 21 ministrlik bolar.
10-nji maýda Russiýanyň Prezidenti Mihail Mişustini Russiýa Federasiýasynyň Premýer-ministri wezipesine bellemek baradaky karara gol çekdi.
12-nji maýda Russiýa Federasiýasynyň Prezidenti Wladimir Putiniň karary bilen Nikolaý Patruşewiň başga işe geçmegi sebäpli Russiýa Federasiýasynyň Howpsuzlyk Geňeşiniň sekretary wezipesinden boşadylandygy habar berildi.
Russiýa Federasiýasynyň Hökümetiniň başlygynyň öňki birinji orunbasary, ykdysatçy Andreý Belousow Goranmak ministri wezipesine dalaşgär hökmünde hödürlendi. Sergeý Şoýgu Russiýanyň Howpsuzlyk Geňeşiniň sekretary wezipesine bellendi.
Wladimir Putin Sergeý Lawrowy daşary işler ministri, Wladimir Kolokolsewi içeri işler ministri, Aleksandr Kurenkowy adatdan daşary ýagdaýlar ministri, Konstantin Çuçeýkony adalat ministri wezipesinde galdyrdy.
