Futbol boýunça 2027-nji ýylda zenanlaryň arasynda geçiriljek 10-njy FIFA Dünýä Kubogynyň haýsy ýurtda guraljakdygy mälim edildi. FIFA-nyň Bangkokda geçiren kongressinde şol çempionatyň Braziliýada guraljakdygy habar berildi. Çempionaty guramak üçin Belgiýadyr Germaniýa hem-de Niderlandlar dalaşgär bolupdy. Olar bu halkara ýaryşy bilelikde guramak üçin FIFA ýüz tutupdylar. Çempionat 2027-nji ýylyň iýun-iýul aýlarynda geçiriler we oňa 32 ýygyndy gatnaşar. Soňky gezek geçen ýyl Awstraliýa we Täze Zelandiýada geçirilen zenanlaryň arasyndaky Dünýä Kubogy ýaryşynda Ispaniýanyň ýygyndysy ýeňiş gazanypdy.
