Russiýanyň çempionatynda çempion 29-njy tapgyrda-da belli bolman, ol iň soňky tapgyrda kesgitlener. 29-njy tapgyrda jemi 39 gol geçirildi we bu görkeziji çempionatynyň täze rekordy hökmünde hasaba alyndy. Çempionatda 3 toparyň arasyndaky çempionlyk göreşi dowam edip, sanawyň lideri “Dinamo Moskwa” öz meýdançasynda “Krylýa Sowetowy” 4-1 hasabynda ýeňdi. Moskwalylaryň gollaryny Balbuena (2), Bitello hem-de Nfamalýo geçirdi. Soňky çempion “Zenit” 3 tapgyrdan soň ýeňiş gazanyp, sankt-peterburglylar myhmançylykda “Ahmat” toparyny 5-1 hasabynda utdy. “Zenitiň” 5 goluny-da toparyň kolumbiýaly hüjümçisi Mateo Kassierra geçirdi. Oýnuň 4-nji, 9-njy, 44-nji, 47-nji, 51-nji minutlarynda tapawutlanan Kassierra Russiýanyň çempionatynda 1 oýunda 5 gol geçiren 3-nji futbolçy bolup, ondan öň 1994-nji ýylda Wktor Pançenko (“Kamaz” – “Spartak”: 6-0) hem-de 1998-nji ýylda Oleg Weretennikow (“Rotor” – “Şinnik”: 6-2 ) geçiripdi. “Krasnodar” myhmançylykda “Soçini” garşydaşynyň 2-1 öňdedigine garamazdan, soňky minutlarda 2 gol geçirip, 3-2 hasabynda ýeňdi we çempionlyk göreşini dowam etdirdi. “Soçi” bu ýeňlişden soň RPL bilen hoşlaşan ilkinji klub boldy.
30-njy tapgyrda “Dinamo” myhmançylykda “Krasnodar” bilen duşuşsa, “Zenit” öz meýdançasynda “Rostowy” kabul eder. Duşuşyklaryň 2-si hem beýleki 6 duşuşyk bilen bir hatarda, 25-nji maýda 18:30-da başlanar.
Dinamo – Krylýa Sowetow: 4-1 (Balbuena 29, 57, Bitello 76, Ngamalýo 90+2 – Gorşkow 40),
Lokomotiw – Fakel: 2-0 (Suleýmanow 11, 53),
Soçi – Krasnodar: 2-3 (Guarirapa 43, 73 – Kriwsow 5, Spersýan 83 p, Mozes 90+1),
Ural – Orenburg: 3-3 (Begiç 44, 60, Şettine 78 – Worobýew 3, Gorbani 50, Peres 58),
Spartak – Rubin: 3-1 (Bongonda 20, Zobnin 28, Martins 63 – Daku 77),
Rostow – Baltika: 2-1 (Şetinin 33, Ronaldo 36 – Fernandes 45+1),
Ahmat – Zenit: 1-5 (Konate 11 – Kassierra 4, 9, 44, 47, 51),
Pari NN – SSKA: 2-6 (Stoskiý 48, Boselli 77 – Oblýakow 10, Musaýew 22, Zdelar 37, Dawila 56, Zaboletnyý 83, Glebow 90)
