3-nji iýunda täsin astronomik hadysa bolup geçer. Şol günüň gijesi Merkuriý, Mars, Ýupiter, Saturn, Neptun we Uran planetalary Günüň daşyndaky aýlawlarynda bir hatara düzülerler. Birden köp planeta asman giňişliginde köplenç bir hatara düzülýär. Emma alty planetanyň bir hatara düzülmegi seýrek duş gelýär. Planetalar asman giňişliginde dos-dogry çyzygyň üstünde durmasalar hem bir-birlerine ýakyn çyzykda ýerleşerler. Merkuriý, Mars, Ýupiter we Saturn planetalaryny howa arassa bolan ýagdaýyna Günüň dogmagyna bir sagat göz bilen görüp bolar. Emma Gün ulgamynyň aýagujunda ýerleşýän Uran we Neptun has solak görünýändigi üçin olary diňe dürbi ýa-da teleskop bilen görüp bolar.
Astronomlar geljek aýlarda hem şeýle hadysalaryň boljakdygyny belleýärler. Şu ýylyň 28-nji awgustynda we geljek ýylyň 18-nji ýanwarynda şapak wagty alty planeta bir çyzygyň üstünde hatara düzüler. 2025-nji ýylyň 28-nji fewralynda Ýerden başga ähli planeta bir hatara düzüler.
