AFK Çempionlar Ligasynda BAE-niň “Al-Ain” topary ýeňiji boldy. Finalda Ýaponiýanyň “Ýokohama F. Marinos” topary öz meýdançasynda 5-1 hasabynda ýeňen “Al-Ain” topary 19 ýyldan soň bu arzyly kubogy 2-nji gezek asmana göterdi. Myhmançylykda 2-1 ýeňlen “Al-Ain” toparynyň öz meýdançasyndaky duşuşykda olary uly hasaply ýeňiş getiren gollary Rahimi (8, 67), Kaku (33 p) hem-de Laba (90+1, 90+5) geçirdi. Ýaponlaryň ýeke-täk goluny bolsa 40-njy minutda Ýan Mateus derwezä girizdi. Duşuşygyň 45+10-njy minutynda ýapon toparynyň derwezeçisi William Popp gyzyl kart aldy. Şunlukda, 2 oýnuň netijesi boýunça 6-3 hasabynda ýeňiş gazanan “Al-Ain” topary 2003-nji ýyldan soň 3-nji gezek AFK Çempionlar Ligasynyň çempiony bolmagy başardy. Argentinaly Hernan Kresponyň tälim berýän topary bu kubogy 2-nji gezek gazanan 14-nji klub hökmünde bellige alyndy.
Ýapon kluby “Ýokohama F. Marinos” topary-da 34 ýyldan soň çykan 2-nji finalynda-da kubogy gazanyp bilmedi. Ol kubogy gazanyp bilmedik toparlaryň arasynda 2 gezek finalda asgyn gelen 4-nji topardyr.
42-nji gezek geçirilen ýaryşda çempion toparyň marokkoly ýyldyzy Sufian Rahimi 13 gol bilen iň netijeli oýunçy boldy hem-de bäsleşigiň iň ökde oýunçysy diýlip saýlandy.
