Russiýanyň çempionaty “Premýer Ligada” soňky ýyllaryň iň ýatda galyjy çempionlyk göreşi bolan hem bolsa çempion üýtgemedi. Sankt-Peterburg şäheriniň “Zenit” topary çempionlyk babatda has tejribelidigini ýene bir ýola subut etdi. Soňky tapgyra lider giren “Dinamo” myhmançylykda 3-nji ýerdäki “Krasnodardan” 1-0 hasabynda asgyn geldi. “Zenit” bolsa öz meýdançasynda “Rostowy” garşydaşynyň öňe saýlanandygyna garamazdan, 2-1 hasabynda ýeňip, çempionlygyny baýram etdi. Bassyr 6-njy gezek çempion bolan “Zenit” bu ugurda “Spartagyň” rekordyny gaýtalady. “Zenit” topary umumylykda Russiýanyň çempionatynda 10-njy, ozalky SSSR-i hasaba alanyňda-da, 11-nji gezek çempion bolmagy başardy. Ne özi çempion bolan, ne-de “Dinamonyň” çempionlygyna ygtyýar beren “Krasnodar” taryhynda ilkinji gezek 2-nji orny eýeledi. Soňky 3 möwsümde 2-nji gezek 3-nji ýeri eýelän “Dinamo” 1976-njy ýyldan bäri çempionlyk başardanok.
Zenit – Rostow: 2-1 (Mantuan 65 p, Artur 85 – Ronaldo 54),
Krasnodar – Dinamo: 1-0 (Kordoba 52),
Krylýa Sowetow – Pari NN: 1-1 (Garre 58 – Ze Turbo 77),
SSKA – Ural: 2-0 (Dawila 40, Musaýew 42),
Rubin – Soçi: 1-1 (Daku 22 – Guarirapa 87),
Baltika – Lokomotiw: 1-3 (Lisakowiç 76 p – Mirançuk 8, Karpukas 66, Suleýmanow 88),
Fakel – Ahmat: 2-0 (Božin 6, Markow 54),
Orenburg – Spartak: 0-0
