Ber­ka­rar döw­le­tiň tä­ze eý­ýa­my­nyň Galkynyşy döw­rün­de türk­men hal­ky­nyň Milli Lideri Gahryman Arkadagymyzyň ba­şy­ny baş­lan be­ýik iş­le­ri­niň hä­zir­ki dö­wür­de Arkadagly Gahryman Serdarymyzyň pa­ra­sat­ly baş­tu­tan­ly­gyn­da üs­tün­lik­li do­wam et­diril­me­gi ne­ti­je­sin­de he­mi­şe­lik Bi­ta­rap­lyk we «Açyk ga­py­lar» sy­ýa­sa­ty­ny ýö­red­ýän, dün­ýä ýurtlary bi­len hoş­ni­ýet­li, dost­luk­ly gat­na­şyk­la­ry ýo­la goý­ýan Türk­me­nis­tan de­ňiz, ho­wa, de­mir ýol we aw­to­mo­bil gat­naw­la­ry­ny öz içi­ne al­ýan Gün­do­gar–Gün­ba­tar we De­mir­ga­zyk–Gü­nor­ta ulag-üs­ta­şyr ge­çel­ge­le­ri­niň hä­zir­ki za­man ul­ga­my­ny dö­ret­mek bo­ýun­ça iri tas­la­ma­la­ry üs­tün­lik­li dur­mu­şa ge­çir­ýär. Ýur­du­my­zyň ulag-kom­mu­ni­ka­si­ýa ul­ga­my iň öň­de­ba­ry­jy yk­dy­sa­dy pi­kir-ga­ra­ýyş­la­ra esas­lan­ýan döw­let sy­ýa­sa­ty­nyň mö­hüm ug­ry hök­mün­de ok­gun­ly öz­ger­ýär.
Döw­let sy­ýa­sa­ty­nyň ile­ri tu­tul­ýan ug­ry hök­mün­de bar­ha ro­waç­lan­ýan ulag-kom­mu­ni­ka­si­ýa ul­ga­my mö­hüm we gel­je­gi uly bo­lan ugur bol­mak bi­len, dün­ýä­niň äh­li döw­let­le­ri bi­len öza­ra bäh­bit­li hal­ka­ra hyz­mat­daş­ly­gy ös­dür­me­giň we ýur­du­my­zyň ok­gun­ly ösüş­le­ri­niň yg­ty­bar­ly bin­ýa­dy­na öw­rül­ýär. Be­ýik Ýü­pek ýo­lu­nyň çat­ry­gyn­da ýer­leş­ýän ýur­du­myz bu ga­dy­my ýo­luň dün­ýä­dä­ki ta­ry­hy äh­mi­ýe­ti­ni gaý­ta­dan di­kelt­mä­ge uly äh­mi­ýet be­rip, ulag-kom­mu­ni­ka­si­ýa ul­ga­myn­da se­bi­tiň döw­let­le­ri, hal­ka­ra gu­ra­ma­lar bi­len mö­hüm tas­la­ma­la­ry dur­mu­şa ge­çir­ýär.
Ýurdu­myz tarapyndan se­bit we hal­ka­ra de­re­je­li iri fo­rum­lar­da ulag ul­ga­my­nyň hyz­mat­la­ry­ny hem­me­ler üçin amat­ly, bäs­deş­li­ge ukyp­ly in­no­wa­si­on teh­no­lo­gi­ýa­lar esa­syn­da ama­la aşyr­mak ba­bat­da wa­jyp baş­lan­gyç­la­r yzy­gi­der­li öňe sür­ülýär­. Mu­ňa Gahryman Arkadagymyzyň şu ýy­lyň 1-nji mar­tyn­da üçün­ji An­tal­ýa dip­lo­ma­ti­ýa fo­ru­myn­da­ky çy­ky­şy hem aý­dyň my­sal bo­lup bi­ler. Milli Liderimiz öz çy­ky­şyn­da «Inkl­ýu­ziw ulag ul­ga­my­nyň ke­ma­la ge­ti­ril­me­gi­niň hal­ka­ra söw­da­nyň, ma­ýa go­ýum iş­jeň­li­gi­niň art­ma­gy­na tä­sir et­jek­di­gi düş­nük­li­dir» di­ýip bel­le­di.
Ýur­du­myz­da içer­ki we üs­ta­şyr ulag gat­naw­la­ry­nyň yzy­gi­der­li art­ma­gy onuň de­mir ýol, de­ňiz-der­ýa, ho­wa we aw­tou­lag gör­nüş­le­ri­niň äh­li­si üçin mah­sus hä­si­ýe­te eýe bol­dy. Her bir ulag gör­nü­şi­niň öz­bo­luş­ly aý­ra­tyn­ly­gy­ny na­za­ra alyp, ola­ryň ne­ti­je­li ara­bag­la­ny­şy­gy­ny ga­zan­mak, he­re­ke­ti­niň bü­tin do­wa­myn­da howp­suz­ly­gy üp­jün et­mek ba­bat­da mak­sat­na­ma­la­ýyn çä­re­ler ge­çi­ril­ýär.
Bu ugur­da ýur­du­my­zyň Bir­le­şen Mil­let­ler Gu­ra­ma­sy bi­len iş­jeň hä­si­ýe­te eýe bo­lan hyz­mat­daş­ly­gy aý­ra­tyn bel­le­nil­mä­ge my­na­syp­dyr. Ge­çen ýy­lyň 16-njy ma­ýyn­da BMG-niň Baş As­samb­le­ýa­sy­nyň 77-nji ses­si­ýa­sy­nyň 70-nji ple­nar mej­li­sin­de Türk­me­nis­ta­nyň baş­lan­gy­jy esa­syn­da, Mil­let­ler Bi­le­le­şi­gi­ne ag­za döw­let­le­riň bi­ra­gyz­dan gol­da­ma­gyn­da 26-njy no­ýab­ry «Bü­tin­dün­ýä dur­nuk­ly ulag gü­ni» di­ýip yg­lan et­mek ha­kyn­da Ka­rar­na­ma­nyň ka­bul edil­me­gi mu­nuň aý­dyň my­sal­la­ry­nyň bi­ri­dir.
Ho­wa ulag­la­ry pu­da­gy hal­ka­ra gat­na­şyk­la­ry­nyň esa­sy köp­rü­si bo­lup hyz­mat ed­ýär. Ýurdumyzda ulag ul­ga­myn­da hal­ka­ra hyz­mat­daş­lyk iş­jeň­leş­di­ri­lip, ulag­la­ryň beý­le­ki gör­nüş­le­ri bi­len bir ha­tar­da, mil­li awia­si­ýa­myz hem tä­ze de­re­jä çy­ka­ryl­ýar. Ho­wa ulag­la­ry ar­ka­ly ýük­le­ri da­şa­ma­gyň hem-de ýo­lag­çy­la­ry gat­nat­ma­gyň hi­li­ni ýo­kar­lan­dyr­mak we yg­ty­bar­ly­ly­gy­ny üp­jün et­mek ýur­du­my­zyň ulag-üs­ta­şyr müm­kin­çi­lik­le­ri­ni ne­ti­je­li peý­da­lan­ma­gyň mö­hüm şer­ti­dir.
Ho­wa ula­gy pu­da­gyn­da­ky gat­na­şyk­lar 50-den gow­rak hal­ka­ra yla­la­şyk­la­ryň we kon­wen­si­ýa­la­ryň esa­syn­da ama­la aşy­ryl­ýar. Türk­me­nis­tan BMG-niň hal­ka­ra hyz­mat­daş­ly­gy­ny ut­gaş­dy­ry­jy ýö­ri­te­leş­di­ri­len eda­ra­sy bo­lup dur­ýan Hal­ka­ra ra­ýat awia­si­ýa gu­ra­ma­sy­nyň (IKAO), Awia­si­ýa we ho­wa gi­ňiş­li­gi­ni ulan­mak bo­ýun­ça ge­ňe­şiň hem-de Döw­le­ta­ra awia­si­ýa ko­mi­te­ti­niň ag­za­sy­dyr, şeý­le hem Ýew­ro­pa­nyň Awia­si­ýa howp­suz­ly­gy agent­li­gi bi­len hyz­mat­daş­lyk ed­ýär.
Uçuş­la­ryň howp­suz­ly­gy­ny we Türk­me­nis­ta­nyň ho­wa gi­ňiş­li­gi­niň üs­ta­şyr ge­çel­ge­le­riň tyg­şyt­ly ulan­ma­sy­ny üp­jün et­mek üçin de­mir­ga­zyk-gü­nor­ta we gün­do­gar-gün­ba­tar ugur­la­ry bo­ýun­ça tä­ze ho­wa ýol­la­ry gi­ri­zil­ýär, bu bol­sa ho­wa gat­naw­la­rynyň dep­gin­li­li­gi­ni art­dyr­ma­ga müm­kin­çi­lik ber­ýär.
Da­şa­ry ýurt awia­kom­pa­ni­ýa­la­ry­nyň üs­ta­şyr uçuş­lar we uçar­la­ryň ýan­gy­jy­nyň üs­tü­ni dol­mak üçin ýur­du­my­zyň ho­wa gi­ňiş­li­gi­ni peý­da­lan­ma­ga bo­lan gy­zyk­lan­ma­la­ry gör­ne­tin art­dy. Ho­wa gat­naw­la­ry­nyň iş­jeň­li­gi hem yzy­gi­der­li ös­ýär. Şu­nuň bi­len bag­ly­lyk­da, da­şa­ry ýurt kom­pa­ni­ýa­la­ry Ýew­ro­pa bi­len Azi­ýa­nyň ara­syn­da­ky has gys­ga, iň tä­ze do­lan­dy­ryş, na­wi­ga­si­ýa teh­ni­ka­la­ry bi­len en­jam­laş­dy­ry­lan ugur­lar bo­ýun­ça he­re­ket et­me­gi ile­ri tut­ýar­lar.
Howp­suz ae­ro­na­wi­ga­si­on hyz­mat et­me­si üçin Türk­me­nis­ta­nyň ho­wa men­zil­le­ri «Tha­les» öň­de­ba­ry­jy fran­suz kom­pa­ni­ýa­sy­nyň ho­wa he­re­ke­ti­ni do­lan­dyr­ma­gyň ra­dio­lo­ka­si­on we na­wi­ga­si­on in­no­wa­si­on se­riş­de­le­ri bi­len en­jam­laş­dy­ry­lan. Hä­zir­ki gün­de ýur­duň ho­wa gi­ňiş­li­gin­de Ho­wa he­re­ke­ti­ni do­lan­dy­ryş gul­lu­gy ta­ra­pyn­dan dün­ýä­niň 200-den gow­rak awia­kom­pa­ni­ýasy­nyň ho­wa gä­mi­le­ri­ne hyz­mat edil­ýär.
«Türk­me­nis­ta­nyň ra­ýat awia­si­ýa­sy­ny ös­dür­me­giň 2012–2030-njy ýyl­lar üçin Mil­li mak­sat­na­ma­sy­ny» tap­gyr­la­ýyn ama­la aşyr­ma­gyň çäk­le­rin­de ýe­ri­ne ýe­ti­ri­len iş­le­riň ne­ti­je­sin­de ýur­du­my­zyň äh­li ho­wa men­zil­le­ri hal­ka­ra ül­ňü­le­ri­ne la­ýyk de­re­jä ge­ti­ril­di. Hä­zir­ki wagt­da di­ňe bir paý­tag­ty­my­zyň Hal­ka­ra ho­wa men­zi­li däl-de, se­bit­le­riň ho­wa men­zil­le­ri hem is­len­dik ky­sym­ly we ýük gö­te­ri­ji­li­gi bo­lan uçar­la­ry ka­bul et­mä­ge ukyp­ly­dyr. Ho­wa men­zil­le­ri ho­wa gä­mi­le­ri­niň he­re­ke­ti­ni ada­ty däl ho­wa şert­le­rin­de-de howp­suz do­lan­dyr­mak, uçuş­la­ryň yk­dy­sa­dy taý­dan tyg­şyt­ly­ly­gy­ny üp­jün et­mek üçin kä­mil teh­ni­ki se­riş­de­ler bi­len en­jam­laş­dy­ryl­dy.
Ho­wa ula­gy ar­ka­ly hal­ka­ra gat­naw­la­ry mun­dan beý­läk-de gi­ňelt­mek mak­sa­dy bi­len, «Türk­me­nis­tan» awia­kom­pa­ni­ýa­sy­nyň awia­par­ky­nyň üs­ti dün­ýä­niň öň­de­ba­ry­jy önüm ön­dü­ri­ji­le­ri­niň, hu­su­san-da, «Boeing» we «Air­bus» ýa­ly kom­pa­ni­ýa­la­ry­nyň döw­re­bap ýo­lag­çy we ýük uçar­la­ry bi­len ýe­ti­ril­ýär. Türk­me­nis­tan­da bar bo­lan awia­par­kyň ne­ti­je­li gi­ňel­dil­me­gi stra­te­gik hä­si­ýe­te eýe bo­lup, yk­dy­sa­dy we üs­ta­şyr bäh­bit­le­ri ga­zan­ma­gy mak­sat edin­ýär. Mil­li awia­kom­pa­ni­ýa­myz Azi­ýa­nyň iň howp­suz awia­kom­pa­ni­ýa­la­ry­nyň ha­ta­ry­na gir­ýär, onuň se­bit gat­naw­la­ryn­da öň­de­ba­ry­jy bol­ma­gy üçin äh­li şert­ler bar. Hä­zir­ki wagt­da bir­nä­çe ýurt­lar bi­len ýo­lag­çy we ýük ho­wa gat­naw­la­ry ýo­la go­ýul­dy, şeý­le hem ola­ryň çä­gi­ni gi­ňelt­mek bo­ýun­ça de­giş­li iş­ler al­nyp ba­ryl­ýar. Mu­nuň özi yk­dy­sa­dy gat­na­şyk­la­ryň pug­ta­lan­dy­ryl­ma­gy­na ýar­dam eder.
«Döw­let adam üçin­dir!» di­ýen asyl­ly ýö­rel­gä­ni öňe sü­ren Gah­ry­man Ar­ka­da­gy­my­zyň, Di­ýa­ry­my­zy ösüş­le­riň röw­şen ýo­ly bi­len öňe alyp bar­ýan «Wa­tan di­ňe hal­ky bi­len Wa­tan­dyr! Döw­let di­ňe hal­ky bi­len döw­let­dir!» diý­ýän Arkadagly Gahryman Serdarymyzyň ja­ny sag, öm­ri uzak, tu­tum­ly iş­le­ri ro­waç bol­sun!

Ha­jy­mäm­met NY­ÝAZ­GEL­DI­ÝEW,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentliginiň Aşgabat Halkara howa menziliniň Howa hereketini guramagyň bir bitewi ulgamynyň Baş merkeziniň raýat sektorynyň uly dispetçeri.

Gyzykly bolup bilerЕЩЕ ОТ АВТОРА