Amerikanyň Milli basketbol ligasy NBA-da final duşuşyklaryna şu gije daňdan badalga berler (05:00). «Dallas Maweriks» bilen «Boston Seltiks» toparlarynyň arasyndaky final duşuşyklarynyň ilkinji 2 oýny Bostonda (7-nji we 10-njy iýunda), 3-4-nji duşuşyklar Dallasda (13-nji we 15-nji iýunda) geçiriler. Gerek bolan ýagdaýynda 5-nji duşuşyk 18-nji iýunda Bostonda, 6-njy duşuşyk 21-nji iýunda Dallasda, 7-nji duşuşyk bolsa 24-nji oýunda Bostonda geçiriler. Ilkinji 4 duşuşykda ýeňiş gazanan topar 78-nji möwsümiň çempionlygy bolar.
“Dallas Maweriks” topary Günbatar Konferensiýanyň finalynda 5 oýnuň netijesinde “Minnesota Timberwolwes” toparyny, “Boston Seltiks” topary-da Gündogar Konferensiýanyň finalynda “Indiana Peýsersi” 4:1 hasabynda ýeňipdi. “Dallas Maweriks” 3-nji gezek NBA-nyň finalynda oýnar. “Dallas Maweriks” topary mundan öňki finalyň 2-sinde-de “Maýami Hit” bilen duşuşyp, garşydaşyndan 2006-njy asgyn gelipdi, 2011-nji ýylda bolsa üstün çykyp, ilkinji çempionlygyny baýram edipdi.
“Boston Seltiks” topary-da 23-nji gezek NBA-nyň finalynda çykyş eder. Şolaryň 17-sinde kubogy eýelän “Boston Seltiks” bu ugurda “Los Anjeles Leýkers” bilen rekordy paýlaşýar. 5 gezek finalda utulan “Boston Seltiks” topary soňky sapar 2008-nji ýylda çempion bolupdy.
