Italiýanyň Sisiliýa adasyndaky 2-3 gatly, howluly we terrasly öýler 3 ýewrodan satuwa çykaryldy. Şeýlelikde italýanlar “bir espressonyň bahasyna” jaý satyn alyp bilerler. Ýerli häkimiýetiň ýolbaşçylary ilat sany azalan obalary gaýtadan dikeltmek maksady bilen terk edilen jaýlary arzan bahadan satuwa çykardy. Adada mundan ozal 2019-njy we 2021-nji ýyllarda şeýle taslama oňyn netije beripdi. Indi bolsa, 10 jaý 3 ýewro başlangyç bahadan satuwa çykaryldy. Şäheriň ozalky Saraçen sebitinde jaýlaryň ozalky satylan jaýlar ýaly berkdigi mälim edildi. Bu düzgün bilen ýurtda geçirilen taslamalaryň çäklerinde ýerli häkimiýetler 20 million ýewro gazanypdyr.
1969-njy ýylda ýertitreme zerarly terk edilen öýleriň eýeçiligi ýerli häkimiýetlere degişli. Satuwa çykarylan jaýlar adatça iki ýa-da üç ýatalga otagy bolup, meýdany 80 kwadrat metrden uly däl. 2-3 gatly jaýlaryň käbirinde terras hem bar. Jaýlar auksion arkaly iň köp pul teklip edene satylýar. Mundan ozalky auksionlarda jaýlar 5000-10 000 ýewro aralygynda satylypdy. Satuwa çykarylan jaýlaryň köpüsiniň owadan limon agaçlary bolan içerki howlusy bar. Şeýle-de bolsa olarda ýaşap başlamazdan ozal abatlaýyş işlerini geçirmeli bolar.
