Germaniýada dowam edýän 17-nji Ýewropa çempionatynda 2-nji aýlawa badalga berlip, B toparçada Horwatiýa bilen Albaniýa duşuşdy. Taryhda ilkinji gezek duşuşýan ýygyndylaryň oýny 2-2 hasabynda deňlikde tamamlandy. Oýnuň 11-nji minutynda Laçi Albaniýany öňe çykardy. 74-nji minutda Kramariçiň goly bilen hasap deňlendi. Bu goldan 2 minut soňam Gýasula öz derwezesinden gol geçirdi we horwatlar öňe geçdi. Ýöne ruhdan düşmedik albanlar hasaby deňlemegi başardy. Albaniýany ýeňlişden halas eden goly awtogoluň awtory Gýasula boldy. Duşuşyk 2-2 hasabynda deňlikde tamamlandy we iki topar hem ilkinji utuklaryny gazandylar.
