Ýewropa çempionatynda E toparçada soňky duşuşyklarda ýeňiş gazanan boldy. Netijede 4 toparyňam utugy 4 bolup, olaryň 3-si ýaryşy dowam eder.
Slowakiýa bilen Rumyniýanyň ýygyndylary 1-1 hasabynda deňme-deň oýnady. Ondreý Dudanyň 24-nji minutdaky goluna rumynlar Razwan Mariniň 37-nji minutdaky penalti goly bilen jogap berdi.
Ukraina bilen Belgiýanyň ýygyndylarynyň arasyndaky oýunda bolsa hasap açylmady.
Başgaça aýdylanda, toparçada üýtgän zat bolmady. 4 toparyňam 4 utugy bolup, Rumyniýa 1-nji, Belgiýa 2-nji, Slowakiýa 3-nji, Ukraina 4-nji orny eýeledi. Rumyniýa bilen Belgiýanyň gol aratapawudy 1 bolup, rumynlar köp gol geçireni üçin 1-nji orna mynasyp boldy. Slowakiýanyň gol aratapawudy 0 bolup, 3-nji orny eýeledi. -2 gol aratapawudy bolan ukrainler çempionat bilen hoşlaşdy.
1/8 finalda Belgiýanyň ýygyndysy Fransiýanyň ýygyndysy bilen duşuşsa, beýleki ikisiniň garşydaşy iň soňky oýunlardan soň belli bolar.
