«Borussiýa Dortmund» Özbegistanda doglan futbolçyny transfer etdi

«Bundesliganyň» wekili «Borussiýa Dortmund» topary goragyna güýç goşdy. «Ştutgart» toparynyň ýerli goragçysy Waldemar Anton mundan soň karýerasyny «Borussiýa Dortmund» toparynda dowam etdirer. 2028-nji tomsuna çenli şertnama baglaşylan 27 ýaşyndaky oýunçynyň transfer bahasy 22,5 million ýewro diýlip kesgitlendi. Ýewropa çempionatynda hem çykyş eden Anton «Ştutgartda» 4 möwsüm oýnady. Özbegistanyň Olmalik şäherinde dünýä inen Anton «Ştutgart» toparyndan öň «Hannower» toparynyň köýnekçesini geýdi.