Gabonly meşhur futbolçy Pier-Emerik Obameýang Ýewropa futboly bilen hoşlaşdy. Geçen möwsümi Fransiýanyň “Marsel” toparynda geçirip, 49 oýunda 27 gol salan Obameýang Saud Arabystanynyň “Al Kadisiýa” toparynyň düzümine goşuldy. 35 ýaşyndaky oýunçy arap kluby bilen 2 ýyllyk şertnama baglaşdy. Karýerasyna 2005-nji ýylda “Milanda” başlan ýöne bu klubda bir duşuşykda hem oýnamadyk Obameýang Fransiýanyň “Dižon”, “Lill”, “Monako” klublarynda kärendesine, soňra “Sent-Etien”, Germaniýanyň “Borussiýa Dortmund”, Angliýanyň “Arsenal”, “Çelsi” hem-de Ispaniýanyň “Barselona” klublarynda çykyş etdi. Ol ady agzalan bu klublarda 658 oýunda 334 gol geçirip, 102 goluň pasyny berdi.
Täzeden ýokary liga (SPL) dolanan “Al Kadisiýa” toparyna Naço hem transfer bolupdy.
