Özbegistanyň myhmanhanalar birleşigi türkmen işewürlerini 8-10-njy oktýabr aralygynda Daşkende geçiriljek “HORECA Uzbekistan” atly ilkinji halkara sergä gatnaşmaga çagyrýar. Özbegistan Respublikasynyň Syýahatçylyk komitetiniň goldawy bilen guralan bu çäre myhmanhana pudagynda gazanylan üstünlikleri görkezmek we işewür gatnaşyklar guramak üçin ajaýyp platforma bolar. Sergi Özbegistandan we daşary ýurtlardan myhmanhana we restoran biznesiniň öňdebaryjy wekillerini birleşdirer.
Serginiň maksatnamasy şulary öz içine alýar:
– Myhmanhana pudagy üçin harytlaryň we hyzmatlaryň sergisi
– Maslahatlar we ussatlyk sapaklary bilen işewürlik
– Hünär ýaryşlary
– Bütindünýä aşhanalarynyň festiwaly, serginiň bölümleri içerki dizaýn we hünär enjamlaryndan başlap, awtomatlaşdyryş we howpsuzlyk ulgamlaryna çenli köp sanly temany öz içine alýar.
Çäräniň çäginde 8-nji oktýabrda myhmanhana pudagynda ýaşyl tehnologiýalara we sanlylaşdyrmaga bagyşlanan konferensiýa geçiriler. Çakylyk ähli gyzyklanýan guramalara iberilýär.
Has giňişleýin maglumat üçin:
Web sahypa: www.hoteliers.uz/page24475912.html
Telefon: +998 97 141-48-46; +998 97 144-48-47
E-poçta: horecaexpo.uz@gmail.com
