Üs­tü­miz­dä­ki ýyl­da Rus­si­ýa Fe­de­ra­si­ýa­sy bug­daý ha­sy­lyn­da re­kord goý­dy. 130 mil­li­on ton­na bug­daý ha­sy­ly ýyg­na­lyp, ol öňki soýuz döw­rün­dä­ki­den hem köp muk­dar­da­dyr. Rus­si­ýa eý­ýäm ge­çen ýyl bu ugur­da­ky däp bo­lan bäs­de­şi ABŞ-dan öňe saý­la­nyp­dy. Şeý­le­lik­de, soýuz döw­rü­niň re­kor­dy tä­ze­len­di. 1978-nji ýyl­da 127 mil­li­on ton­na bug­daý ýyg­na­lyp­dy. Rus­si­ýa bug­daý eks­por­tu­ny 45 mil­li­on ton­na çenli ýe­tir­mä­ge müm­kin­çi­lik al­dy.

Çi­li­de Pre­zi­dent saý­la­wy­nyň ikin­ji tap­gy­ry ge­çi­ril­di. 14,35 mil­li­on saý­law­çy­nyň gat­naş­ma­gyn­da ge­çi­ri­len saý­law­lar­da ozal­ky Pre­zi­dent Se­bast­ýan Pin­ýe­ra ýe­ňiş ga­zan­dy. Ol ses­le­riň 54,57 gö­te­ri­mini eýe­le­di. Onuň gar­şy­da­şy Ale­hand­ro Gil­ýer ýeň­li­şe se­ze­war bo­lan­dy­gy­ny mä­lim et­di. Saý­law­la­ryň bi­rin­ji tap­gy­ry 19-njy no­ýabr­da ge­çi­ri­lip­di. 2010-2014-nji ýyl­lar­da döw­let baş­tu­ta­ny we­zi­pe­sin­de iş­län 68 ýaş­ly işe­wür Se­bast­ýan Pin­ýe­ra 2018-nji ýy­lyň 11-nji mar­tyn­da tä­ze we­zi­pe­si­ne gi­ri­şer.

42 gün 16 sa­gat 40 mi­nut 35 se­kunt­da Ýer şa­ry­na aý­la­nyp çyk­dy. Bu re­kord fran­suz ýah­ta tür­ge­ni Fran­sua Ga­ba­ra de­giş­li­dir. Ol ge­çen ýy­lyň de­kabr aýyn­da öz wa­tan­da­şy Tom Ko­wi­liň 49 gün 3 sa­gat 7 mi­nut 38 se­kunt­lyk ne­ti­je­sin­den öňe saý­lan­ma­gy ba­şar­dy. Ga­bar şu ýy­lyň 4-nji no­ýab­ryn­da Fran­si­ýa­nyň Brest şä­he­rin­den ýü­zü­şe baş­lap, öz ba­şy­na At­lan­tik um­ma­nyny ýü­züp geç­me­gi ba­şar­dy. Ol umu­mylykda 40 müň ki­lo­metr ýol geç­di.

Is­pa­ni­ýa­nyň ýa­şaý­jy­sy hem-de Ýew­ro­pa­nyň iň gar­ry ra­ýa­ty Ana We­la 116 ýa­şyn­da ara­dan çyk­dy. Ol 2005-nji ýyl­dan bä­ri Bar­se­lo­na şä­he­rin­dä­ki gar­ry­lar öýün­de ýa­şa­ýar­dy. 1901-nji ýy­lyň 29-njy okt­ýab­ryn­da dün­ýä inen Ana We­la uzak ýyllaryň dowamynda azyk ha­ryt­la­ry dü­ka­ny­nyň mü­di­ri bo­lup iş­le­di. Ol 4 ça­ga­nyň eje­si­dir. Ge­çen ýyl ap­rel aýyn­da ita­li­ýa­ly Em­ma Mo­ra­na 117 ýa­şyn­da ara­dan çy­kan­dan soň­ra Ýew­ro­pa­nyň iň gar­ry ýa­şaý­jy­sy hök­mün­de ha­sa­ba al­nyp­dy.

31 ýaş­ly Se­bast­ýan Kurs Awst­ri­ýa­nyň Kans­le­ri we­zi­pe­si­ne bel­len­di. Ol dün­ýä­niň iň ýaş hö­kü­met baş­tu­ta­ny bol­dy. Ol mun­dan ozal, Awst­ri­ýa­nyň da­şa­ry iş­ler mi­nist­ri we­zi­pe­si­ni ýe­ri­ne ýe­ti­rip, bu ugur­da-da dün­ýä­niň iň ýaş da­şa­ry sy­ýa­sat eda­ra­sy­nyň ýol­baş­çy­sy bol­dy.

Ita­li­ýa­nyň Mi­lan şä­he­rin­de Rož­dest­wo baý­ram­çy­ly­gy my­na­sy­bet­li dün­ýä­niň iň uly kek­si taý­ýar­lan­dy. 140 kg ag­ra­mlyk­da­ky kek­si 4 gün­de bi­şir­di­ler. Ol şä­he­riň söw­da ga­le­re­ýa­sy­na ge­ti­ri­lip, 1200 bö­le­ge bö­lün­di we ýer­li ýa­şaý­jy­la­ra hem-de sy­ýa­hat­çy­la­ra paý­lan­dy.

Oks­ford söz­lü­gi­niň re­dak­tor­la­ry 2017-nji ýy­lyň tä­ze sö­zü­ni mä­lim et­di­ler. Ol “youthquake” bol­dy. Bu söz ter­ji­me edi­len­de ýaş­la­ryň ta­gal­la­sy bi­len sy­ýa­sy, me­de­ni we dur­muş ul­ga­myn­da eme­le ge­len mö­hüm öz­gert­me ma­ny­sy­ny ber­di. Bu söz “earthquake” (ýertit­re­me) hem-de “youth” (ýaş­lar) söz­le­rin­den eme­le gel­di. Oks­ford söz­lü­gin­de her ýyl “ýy­lyň iň esa­sy sö­zi” saý­lan­ýar.

Şwe­si­ýa­nyň hö­kü­me­ti pen­si­ýa ýa­şy­ny ýo­kar­lan­dyr­mak ba­ra­da­ky ka­nu­ny tas­syk­la­dy. Mun­dan beý­läk, pen­si­ýa ýa­şy 61-den 64-e ýe­ti­ril­di. Bu ka­nun tas­la­ma­sy Şwe­si­ýa­nyň sag­ly­gy go­ra­ýyş we dur­muş me­se­le­le­ri bo­ýun­ça mi­nist­ri An­ni­ka Strand­holl hem-de ma­li­ýe ba­za­ry bo­ýun­ça mi­nist­ri Per Bo­lund ta­ra­pyn­dan öňe sü­rül­di. Pen­si­ýa ýa­şy­ny ýo­kar­lan­dyr­mak ba­ra­da­ky gep­le­şik­ler bir­nä­çe ýyl­dan bä­ri do­wam ed­ýär. 2012-nji ýyl­da Prem­ýer-mi­nistr Fred­rik Reýn­feldt bu gör­ke­zi­ji­ni 75 ýy­la çy­kar­ma­gy tek­lip edip­di.

Şweý­sa­ri­ýa­nyň Şwis şä­he­rin­den Ştoos oba­sy­na çen­li dün­ýä­niň iň çyl­şy­rym­ly ta­nap ýo­ly çe­kil­di. 1738 metr uzyn­lyk­da 743 metr be­ýik­li­ge ta­nap ýo­ly ar­ka­ly 4 mi­nut­da çyk­ma­ga müm­kin­çi­lik dö­re­di. Bu tas­la­ma­nyň açy­lyş da­ba­ra­sy­na Pre­zi­dent Do­ris Loýt­hard gat­naş­dy. Tä­ze ta­nap ýo­ly, 1933-nji ýyl­da gur­lan ozal­ky ýo­luň or­nu­ny eýe­lär. 52,6 mln $ sarp edi­len tas­la­ma 14 ýyl­da ama­la aşy­ryl­dy. Dik ga­ýa­lyk­lar­da ta­nap ýo­luny çek­mek kyn­rak bol­dy. Ştoos oba­sy ki­çi­räk dag-ly­ža şy­pa­ha­na mer­ke­zi­dir. Bu obada 100-den gow­rak adam ýa­şa­ýar.

Tür­ki­ýä­niň Stam­bul şä­her­le­ri­niň Üs­kü­dar we Üm­ra­ni­ýe et­rap­la­ry­nyň ara­syn­da ýur­duň il­kin­ji sü­rü­ji­siz met­ro gat­na­wy ýo­la go­ýul­dy. Ol 20 km-lik ýo­luň 10,5 km-ini tutýar. 800 mil­li­on ýew­ro möç­be­rin­dä­ki tas­la­ma­ny do­lu­ly­gy­na 2018-nji ýy­lyň iýun aýyn­da ulan­ma­ga ber­mek göz öňün­de tu­tul­ýar. Bu ýo­luň ug­run­da 16 stan­si­ýa bo­lar. Stam­bul met­ro­sy­nyň uzyn­ly­gy 167 km-dir. 2023-nji ýy­la çen­li bu gör­ke­zi­ji­ni 1000 km-e ýe­tir­mek göz öňün­de tu­tul­ýar. Stam­bul­dan baş­ga-da Ko­pen­ga­gen, Pa­riž, Lon­don, Bar­se­lo­na, To­ron­to, Las-We­gas, To­kio we Sin­ga­pur ýa­ly iri şä­her­ler­de sü­rü­ji­siz met­ro he­re­ket ed­ýär.

Rus­si­ýa bi­len Mü­sü­riň ara­syn­da­ky ho­wa gat­naw­la­ry tä­ze­den ýo­la goý­lar. Bu ba­ra­da Rus­si­ýa­nyň ulag mi­nist­ri Mak­sim So­ko­low bi­len Mü­sü­riň ra­ýat awia­si­ýa mi­nist­ri Şe­rif Fat­hi­niň ara­syn­da iki ýur­duň ara­syn­da­ky ho­wa gat­naw­la­ry­ny gaý­ta­dan di­kelt­mek ba­ra­da­ky yla­la­şy­ga gol çe­kil­di. Ho­wa gat­naw­la­ry­ny 2018-nji ýy­lyň 1-nji few­ra­lyn­dan ýo­la goý­mak göz öňün­de tu­tul­dy. Rus­si­ýa­nyň Pre­zi­den­ti Wla­di­mir Pu­ti­niň go­laý­da Mü­sü­re bo­lan sa­pa­ryn­da bu ba­ra­da de­giş­li yla­la­şy­ga gel­nip­di. Iki ýur­duň ara­syn­da­ky ho­wa gat­naw­la­ry 2015-nji ýyl­da ýa­ty­ry­lyp­dy.

Gyzykly bolup bilerЕЩЕ ОТ АВТОРА