Pariž 2024 tomusky Olimpiýa oýunlarynyň ilkinji medalynyň we ilkinji altyn medalynyň eýeleri belli boldy. Nyşana ok atmak boýunça 10 metr tüpeň ýaryşynyň toparlaýyn görnüşinde Gazagystanyň türgenleri Aleksandra Le bilen Islam Satpaýew bürünç medal duşuşygynda germaniýaly Maksimillian Ulbrih bilen Anna Ýanssenden 17:5 üstün çykyp, XXXIII tomusky Olimpiýa oýunlarynyň ilkinji medalyny gazandy.
Bu ugurda altyn medala hytaýly mergenler mynasyp boldy. Hytaýly Huan Utin bilen Şen Lihao ikisi finalda koreýaly Keum Ži Hýeon hem-de Pak Ha-Žuny 16:12 hasabynda ýeňdi. Hytaýly Şen Lihao Tokio 2020-de ýekeleýin ýaryşda kümüş medal gazanypdy.
