Iň gy­zyk­ly sport bäs­le­şik­le­ri­niň bi­ri bo­lan sör­fing us­sat­lygy we tej­ri­be ta­lap ed­ýär. De­ňiz­de güýç­li tol­kun we ýel bo­lan wag­ty ýe­ri­ne ýe­ti­ril­ýän spor­tuň bu gör­nü­şin­de tür­gen bel­li öl­çeg­de ýa­sa­lan tag­ta bö­le­gi­niň üs­tün­de tol­ku­nyň güý­ji bi­len ke­na­ra ta­rap bat­ly tiz­lik bi­len gaýd­ýar. Tür­gen sör­fin­ge baş­la­maz­dan ozal, amat­ly tol­ku­nyň gel­me­gi­ne ga­ra­şyp otur­ýar. To­lku­nyň go­laý­lap ge­le­ni­ni gö­ren­de bolsa eli­ni kü­rek ýa­ly ula­nyp, tol­ku­nyň üs­tü­ne çyk­ýar we ýe­rin­den tur­ýar. Tol­ku­nyň üs­tün­de wag­ty ag­ra­my­ny tag­ta­nyň dür­li ýer­le­ri­ne be­rip, ug­ru­ny we tiz­li­gi­ni saz­la­ýar. Aslynda tol­ku­nyň üs­tün­de ýe­ri­ne ýe­ti­ril­ýän hem bol­sa, soň­ky ýyl­lar­da tol­ku­nyň ýok wag­ty hem sör­fin­gi ýe­ri­ne ýe­tir­megiň dür­li usul­lary dö­re­dil­di. Ola­ryň bi­ri-de ýel­ken­li sör­fing­dir. Bu usul­da sör­fing tag­ta­sy­na ýel­ken otur­dyl­ýar. Tiz­lik bol­sa ýe­liň güý­jü­ne hem-de tür­ge­niň be­den he­re­ket­le­ri­ne bag­ly bol­ýar. Mun­dan baş­ga-da, ga­ýyk­ly ýa-da de­ňiz mo­to­ry ar­ka­ly hem sör­fing ýerine ýetirilýär. Dür­li ýaş­da­ky adam­lar ta­ra­pyn­dan ýe­ri­ne ýe­ti­ril­ýän sör­fing­de de­ňiz ula­gy ta­ra­pyn­dan çe­kil­ýän gör­nü­şin­de tür­gen de­ňag­ram­ly­ly­gy­ny sak­la­mak üçin aýa­gy­nyň aşa­gyn­da tag­ta­nyň öň ta­ra­py­ny ça­la­ja ýo­ka­ry gal­dyr­ma­ly bol­ýar. Şeý­le hem ga­ýy­ga bag­la­nan ýü­püň ujun­dan tu­tup, be­de­ni­ňi bir­ne­me ar­kan ýa­tyr­ma­ly bol­ýar. Su­wuň ýü­zün­de taý­ýan adam sa­gat­da­ky tiz­li­gi 50 ki­lo­met­re ba­ra­bar bo­lan ga­ýy­ga bag­la­nan, uzyn­ly­gy 20 met­re ba­ra­bar bo­lan üç sa­ny ýü­pe mä­käm ýa­pyş­ýar. Mu­ňa ga­ra­maz­dan, ýy­kyl­maz­lyk üçin ça­la­syn­lyk bi­len göw­re­si­ni sa­ga-çe­pe gy­şar­dyp, de­ňag­ram­ly­ly­gy­ny sak­la­ma­ly bol­ýar. Ga­ýy­gyň tiz­li­gi sa­gat­da 35 ki­lo­metr­den aşak düş­se tag­ta­nyň üs­tün­dä­ki adam ýy­kyl­ýar.

Sörfing barada
Adamlar spor­tuň bu gör­nü­şi bi­len ir­ki dö­wür­ler­den bä­ri gy­zyk­la­nyp­dyr­lar. Iň­lis de­ňiz­çi­si Jeýms Kuk 1777-nji ýyl­da Tai­ti we Oahu ada­la­ry­na ba­ran­da ýer­li ýa­şaý­jy­la­ryň tag­ta mü­nüp, suw tol­kun­la­ry­nyň üs­tün­de güý­men­je üçin sör­fing bi­len meş­gul­lan­ýan­dyk­la­ry­ny bel­läp ge­çip­dir. 1920-nji ýyl­da ga­wai­li ýüzüji Dýuk Ka­ha­na­mo­ku il­kin­ji res­mi sör­fing klu­bu­ny dö­red­ýär. 1912-nji ýyl­da Stok­golm­da, 1920-nji ýyl­da Ant­wer­pen­de ge­çi­ri­len Olim­pi­ýa oýun­la­ryn­da 100 met­re ýüz­mek­de al­tyn me­da­la my­na­syp bo­lan Ka­ha­na­mo­ku sör­fing spor­tu­nyň dün­ýä­de ýaý­baň­lan­dy­ryl­ma­gy­na hem go­şant goş­ýar. Spor­tuň bu gör­nü­şi il­kin­ji ge­zek 2021-nji ýyl­da ge­çi­ri­len «To­kio – 2020» to­mus­ky Olim­pi­ýa oýun­la­ry­nyň mak­sat­na­ma­sy­na gi­ri­zil­ýär.

Gyzykly bolup bilerЕЩЕ ОТ АВТОРА